रामेछाप । सत्र वर्षमा आफुले सदियौ देखि उपभोग गर्दे आएको पुराना धारा र कुवामा मुलफुटेपछि रामेछापका विभिन्न गाउँमा खुसियाली छाएको छ । खडेरिका कारण पुर्ण रुपमा सुकेका पुराना पानिका धारा र कुवामा अत्याधिक वर्षाद संगै पानीको मुल फुटेपछि गाउँलेहरुमा खुसियाली छाएको हो ।
लामो खडेरिका कारण काकाकुल बनेका बिषेश गरि जिल्लाका रामेछाप नगरपलीका,मन्थली नगरपालीका खाँडादेवी गाउँ पालीका र सुनापति गाउँ पालीकाका सवैजसो वडामा खानेपानीको हाहाकार थियो । जसका कारण कतिपय गाउँलेहरु खानेपानीकै लागि बसाई समेत सरिसकेका छन् । तर यस पटक भने मुल फुटेको खुसियालीमा गाउँलेहरु उत्साहित मात्र भएका छैन्, अधिकाँश ठाउँमा बाझै रहेका खेतहरुमा पनि गाउँले रोपाई गर्ने तयारी गरिरहेका छन् ।
ति बस्तिहरुमा पानीको अभाव भएपछि सरकारले जिल्लाका दर्जनौ अधिकाँश स्थानलाई सुख्खाग्रस्त गाउँ घोषणा गरि ति ठाउँहरुमा नदिको पानीलाई लिफट सिस्टमबाट तानेर दिर्घकालीन रुपमा खानेपानीको ब्यावस्था गर्दै आएको थियो । लामो समयको अन्र्तरालमा यस वर्ष पानिको मुल फुटेपछि गाउँलेहरुमा खुसियाली छाएको रामेछाप नगरपालिका वडा नं ४ का वडा अध्यक्ष टुपेन्द्र तामाड्ढले बताउनु भयो ।
२०६१ साल पछि वर्षाद नहुँदा गाउँका प्रयाजसो सबै खानेपानीका मुहान सुकेको भएपनि १७ बर्षको अन्तरालमा आफनो गाउँ र आसपासको वस्तिहरुका धारा र पंधेरामा मुल फुटेको रानपा ८ बाबियाखर्कका उज्जवल घिमिरेले वताउनु भयो । खडेरीले पुराना खानेपानीका मुहान सुकेसंगै खानेपानिको अभावमा कतिपय बस्तीहरु समेत बसाई सरिसकेको अवस्थामा धारा पंधेरामा मुल फुट्को कुराले बालक देखि बृद्धा सम्ममा खुसियाली छाएको पनि घिमिरेले बताउनु भयो । हिमगँगा,देउराली ओख्रेनी साँघुटारका पंधेराहरुमा पनि मुल फुटेको छ । त्यसैगरि मन्थली नगरपालीकाको भलुुवाजोर, ल्याङ्गल्याङ्ग,हुलाक डाँडा, भिरपानी गाउँका खोला खोल्साहरुमा पनि मुल फुटेको छ । गाउँमा रहेका पानीको धारा र कुवाहरुमा मुल फुटेपछि बाँभिएका पाखो जमिन र खेतमा पनि कृषकहरु रोपाइ गर्न तरखरमा लागेको पकरबासको सुकराम घिसिङ्गले जानकारी दिनुभयो ।
