रामेछाप । रामेछाप जिल्लाका स्थानिय तह र समाजिक संघ संस्थाले अदालतको आदेश समेत नमानेको भन्दै फलाटे गैरा खोनपानी तथा सरसफाई समितिले जनाएको छ । फलाटे गैरा खोनपानी तथा सरसफाई समितिले पत्रकार सम्मेलन गरी जिल्ला अदालत रामेछापले दिएको आदेश सुनापती गाउँपालिका वडा नं –२ दिमिपोखरी र सामुदायिक बिकास समाज (सिडिएस) ले अबज्ञा गरेको बताएको छ । सुनापति गाँउपालिका वडा नं –२ दिमिपोखरीमा सञ्चालन भएको खानेपानी योजनामा सुनापती गाउँपालिका–२ दिमिपोखरी र सामुदायिक बिकास समाज (सिडिएस) ले बजेट छुट्याएर योजनाको शिलान्यास गरे संगै फलाटे गैरा खोनपानी तथा सरसफाई समितिले बिरोध जनाएको थियो । स्थानिय समुदायको बिरोध सुनुवाई नभएपछी समितिले जिल्ला अदालत रामेछापमा मुद्धा दर्ता गराएको समितिका अध्यक्ष बेन बहादुर मगरले पत्रकार सम्मेलन मार्फत जानकारी दिए । मगरले भने दोहरो बजेट परेपछि हामीले जिल्ला अदातलमो मुद्धा हाल्यौँ तर अदालतले काम नगर्न भनेर आदेश दियो तर अदालतले दिएको काम रोक्ने सम्बन्धी आदेश सुनापती गाउँपालिका वडा नं –२ दिमिफोखरी र सामुदायिक बिकास समाज (सिडिएस) ले मानेन अध्यक्ष मगरले भने ।
संघिय सरकारको २०७१÷७२ देखि सो योजनाका लागि बजेट परेर काम भैरहेको तर सामुदायिक बिकास समाजले पनि हुँदै नभएको पाकुर खोलाको मुहान दर्ता गरी गोठपानी खोला (फलाटै गैरा खानेपानी योजना संञ्चालन हुन लागेको मुहान)बाटै योजनाको काम गर्न लागेपछि सो उपभोक्ता समितिले जिल्ला अदातल रामेछापमा २०७८ पुष १३ गते मुद्धा दर्ता गराएको थियो । उक्त मुद्धा दर्ता भएपछि दुबै पक्ष बिच छलफल नगरुन्जेल सम्म काम रोक्न आदेश दिएको थियो । त्यसपछि यहि पुष २५ गते दुबै बादी र प्रतिवादीको आ आफ्नै दावी सुनिसकेपछि अदालतले पुन पेशी तोकेर फैसला नहुन्जेल सम्मका लागि काम रोक्ने यसअघिको अन्तरिम आदेसलाई निरन्तरता दिनु भनेपनि उक्त सामुदायिक बिकास समज मन्थली मार्फत सञ्चालित योजनाको उपभोक्ता समितिका मानिसहरुले धमाधम काम गरिरहेको शनिवार पत्रकार सम्मेलनको अयोजना गरी उक्त समितिका अध्यक्ष थामापगरले जानकारी दिए । ४ करोड २९ लाखको आयोजना को दोस्रो चरणको काम चलिरहेको पनि थापामगरले जानकारी दिए ।
स्थानीय रण बहादुर मगरलाई उपभोक्ता समितिको अध्यक्ष बनाएर यहि पुष ६ गते पाकुर खोला मुहान दर्ता गरी ७५ लाखको योजना को काम सामुदायिक बिकास समाजले सुरु गराएको थियो । यस बारेमा सामुदायिक बिकास समाजका कार्यकारी निर्देशक मिलन घिसिङ सँग आफुले समन्वय गरेर काम गर्न अनुरोध गर्दा उहाले स्वीकार गर्नु भएपनि उक्त दोहोरोपनाको काम अझै नरोकिएको पनि अध्यक्ष मगरले पत्रकार सम्मेलनका अवसरमा जानकारी गराएका हुन । योजना सम्पन्न भएपछि दिमीपोखरीको साबिक वडा नं १ ,२,३,४ का २३४ घर घुरी लाभान्वित हुने गरी सुरु भएको हाल दोहोरोपना परेको गोठपानी खोला को मुहान बाट २०४४ सालदेखि त्यहाका स्थानीयलले खानेपानी ल्याएर खाने गरेका थिए । अदालतले दिएको आदेश लाई नमान्ने उक्त सामुदायिक बिकास समाजलाई पुनः आइतवार अबहेलनाको मुद्धा उक्त समितिले जिल्ला अदातल रामेछापमा दर्ता गराएको पनि अध्यक्ष मगरले बताए ।