रामेछाप । स्थानापति क्षेत्रको विकास निर्माण गर्ने उदेश्यले मन्थली नगरपालिकाले कार्यपालिका बैठक नै स्थानापति मन्दिरमा सम्पन्न गरेको छ । मन्थली नगरपालिकाको वडा नम्बर ९ मा रहेको स्थानापती मन्दिर परिसरमा मन्थली नगरपालिकाको कार्यपालिका बैठक बसेर सो क्षेत्रको विकासका लागी गुरुयोजना नइ बनाएको छ । जिल्लाको प्रसिद्ध मन्दिरको रुपमा रहेको थानापति मन्दिरको विकास गुरुयोजना बनाए र गर्ने र आन्तरिक तथा वाह्य पर्यटक र भक्तजन भित्र्याउने बैठकले लक्षय लिएको छ । पर्यटकको समेत आर्कषक रहेको सो स्थानलाई नगरपालिकाले विषेश रुपमा लिएको छ ।
नगरपालिकाको प्रसिद्ध धार्मिक र पर्यटकिय स्थानको रुपमा रहेको स्थानापति क्षेत्रलाई व्यवस्थित गर्ने र मन्दिर गुम्बा लगाएतका पूर्वाधारको विकास गरी नगरकै आकर्षक पर्यटकिय क्षेत्रको रुपमा विकास गर्ने उद्धेश्यले गुरु योजना नै निर्माण गरी वृहत कार्यक्रम संचालन गर्ने सोच नगरपालिकाले राखेको छ ।
अघिल्लो बैठकमा स्थापनापति मन्दिर क्षेत्रको विकास लागि गुरु योजना निर्माण गर्ने कुरा उठेकोले कार्यपालिकाका सवै सदस्यहरुलाई स्थान विशेषको जानकारी साथै आवश्यकता र औचित्यताको अनुभुति समेतका लागि स्थानापतिमानै बैठक संचालन गरेको नगर प्रमुख श्रेष्ठले वताए ।
जे माग्यो त्यहि बर पाईने विश्वास रहेको स्थानापति मन्दिर मन्थली नगरपालिकाको ९ नम्बर वडामा रहेको छ । यस अघी नगरपालिकाले बाङ्गेसल्ला देखि मन्दिर सम्म आकर्षण सिंढि निर्माण गरी पैदल यात्री लाई मन्दिर सम्मको आवागमनमा सुविधा उपलव्ध गराएको थियो । नगरले निर्माण गरेको उक्त सिंढि जिल्लाकै नमुनाको रुपमा रहेको छ ।
स्थानापति मन्दिर बैरा महादेवको नामले समेत चिनिन्छ । शिवरात्रि, बालाचतुदर्शि, तिज लगाएतका पर्वमा मन्दिरमा मेला लाग्ने गर्दछ । सिन्धुली, दोलखा र रामेछापका विभिन्न भागका दर्शनार्थिहरु मन्दिरमा पुजाआराधानको लागि आउने गरेका छन् ।
