रामेछाप । मन्थली नगरपालिकाले चालु आर्थिक वर्षको कार्य प्रगति सार्वजनिक गदै आगामी आर्थिक वर्षको लागी सरोकार निकायहरू सँग राय सुझाव लिएको छ । नगरपालिकाको हलमा भएको कार्यक्रममा जिल्लाका तिन दर्जन भन्दा बढी सङ्घ संस्थाका प्रमुख तथा प्रतिनिधिले नीति तथा कार्यक्रममा समेटिन पर्ने विषय बस्तुका बारेमा आ–आफ्नो धारणा राखेका थिए ।
नगरपालिकाले सबैको सुझावहरूलाई समेटेर आगामी आर्थिक वर्षको नीति तथा कार्यक्रममा ल्याउने प्रतिबद्धता जनाएको छ । कार्यक्रममा नगरपालिकाका जनप्रतिनिधि, विभिन्न शाखाका शाखा प्रमुख, जिल्ला समन्वय समितिका रामेछापका प्रमुख, उपप्रमुख लगायत जिल्ला भित्रका सङ्घ संस्थाका प्रतिनिधिहरूको सहभागिता रहेको थियो ।
