काठमाडौँ । बिश्वभरी फैलिएको कोरोना भाइरस कोभिड–१९ सङ्कट व्यवस्थापन केन्द्र(सीसीएमसी)को शुक्रबार बसेको बैठकले १४ वटा निर्णय गरेको छ । सिँहदरवारमा शुक्रवार बसेको सीसीएमसीको बैठकले नयाँ भेरियन्ट सहितको कोरोना भाइरसको सङ्क्रमण नियन्त्रणका लागि विभिन्न जिल्लामा जारी निषेधाज्ञालाई व्यवस्थित बनाउने निर्णय गर्दै उपत्यका र ठुला सहरहरुमा बैङ्क तथा वित्तीय संस्थाहरूका एक चौथाइ शाखाहरूमा एक चौथाइ कर्मचारी राखी सञ्चालन गर्ने निर्णय गरेको छ । यस्तै, अत्यावश्यक सेवाबाहेक अन्य कार्यालयहरु एक चौथाइ कर्मचारीद्वारा सञ्चालन गर्ने, काठमाडौँ उपत्यकाको हकमा सूचना तथा प्रसारण विभागबाट र अन्य जिल्लाका हकमा प्रमुख जिल्ला अधिकारीले जारी गरेको प्रेस पास मान्य हुने पनि सीसीएमसीले निर्णय गरेको छ ।
उद्योग सञ्चालकहरुले उद्योग सञ्चालन गर्दा कर्मचारी एवं श्रमिकलाई उद्योग भित्रै बास तथा खानाको व्यवस्था गरी उद्योग व्यवसाय सञ्चालन गर्नु पर्ने निणर्य गरेको छ । सार्वजनिक निर्माणको काममा संलग्न श्रमिकलाई कार्यस्थलमै निर्माण गर्ने वा काम लगाउने संस्थाले खाना र बासको ब्यवस्था गरेर काम लगाउनु पर्ने छ । आयोजनाका निर्माण सामग्री ढुवानी गर्ने सवारी साधनका चालक र सहयोगीलाई उद्गम र गन्तव्य प्रष्ट उल्लेख भएको आयोजनाले जारी गरेको परिचयपत्रका आधारमा मात्र सवारी साधन सञ्चालन गर्ने दिने भनिएको छ ।
काठमाडौं उपत्यकाको हकमा पर्यटन विभाग, अध्यागमन विभाग, नेपाल ,पर्यटन नेपाल प्रहरीले संयुक्त रूपमा होटेल क्वारेन्टिनमा बस्नेहरूको नियमित अनुगमन गर्ने, अन्य जिल्लाको हकमा प्रदेश र स्थानीय तहले सम्बन्धित निकायहरू सम्मिलित संयन्त्र निर्माण गरी अनुगमन गर्ने निर्णय गरेको छ । होम क्वारेन्टिनमा बसेकाहरूको सम्बन्धमा स्थानीय तहले अनुगमन गर्ने होटेल क्वारेन्टिनको नियम पालना नगर्ने विदेशी नागरिकलाई
होटेल क्वारेन्टिनको व्यवस्थापनमा लापरवाही गर्ने सम्बन्धित होटेल सञ्चालकलाई प्रचलित कानुनबमोजिम कारबाही गर्ने समेत भनेको छ । आमसञ्चारका माध्यमलाई कोभिड विरुद्धका जनचेतनामूलक सन्देश प्रसारित÷प्रकाशित गर्न अनुरोध गर्ने र सम्बन्धित स्थानीय तहले टोलटोलमा कोभिडविरुद्धको जनचेतनाका लागि कार्यक्रम सञ्चालन गर्ने लगाएत निर्णय गरेको छ ।