रामेछापको मन्थली नगरपालिका वडा नं ६ मा हातिटार स्थित सिद्धेश्वर आविमा मंगलबार अभिभावक साक्षरता तथा विद्यालय व्यवस्थापन समिति गठन कार्यक्रम सम्पन्न भएको छ। मन्थली नगरपालिकाका प्रमुख लव श्रेष्ठको प्रमुख आतिथ्यता तथा वडाध्यक्ष अशोककुमार तामाङको अध्यक्षतामा आयोजित उक्त भेलाले उर्व माझीको अध्यक्षतामा ९ सदस्यीय नयाँ विद्यालय व्यवस्थापन समिति सर्वसम्मत रूपमा चयन गरेको छ।
विद्यालयका प्रधानाध्यापक भीमबहादुर नेपालीका अनुसार कार्यक्रममा शिक्षा विज्ञ गुञ्ज बहादुर श्रेष्ठले अभिभावक साक्षरताका विषयमा सहजीकरण गर्नुभएको थियो भने नगरपालिकाको शिक्षा शाखाका प्राविधिक सहायक गोपाल रोकाय लगायतको उपस्थिति रहेको थियो। सो अवसरमा विद्यालयको विकासमा योगदान पुऱ्याउने अभिभावक, विद्यालय व्यवस्थापन समिति, शिक्षक अभिभावक संघ र शिक्षकहरूलाई उनीहरूको योगदानको कदर गर्दै प्रशंसा तथा सम्मान पत्रद्वारा सम्मान गरिएको थियो। नयाँ कार्यसमितिको चयनसँगै विद्यालयको शैक्षिक गुणस्तर र व्यवस्थापकीय पक्षले थप गति लिने विश्वास गरिएको छ ।
