मंसिर २३ रामेछाप
मोरङमा मंगलबार बिहान शिक्षकको हत्या गोली हानि नभई धारिलो हतियार प्रयोग गरेर घाँटी रेटेर भएको रहस्य खुलेको छ । प्रहरी टोली घटनास्थल पुगेर हेर्दा घाँटी काटिएको अवस्थामा फेला परेको थियो जनाएको छ । शिक्षक राजेन्द्र श्रेष्ठको हात बाँधेर घाँटी काटिएको प्रहरीले जानकारी दिएको छ ।
’सुरुमा स्थानियले गोलीको आवाज सुनेको भनेकाले गोली हानि लहत्या गरेको भनिएको भएपनीे टोली घटना स्थल पुगेर हेर्दा घाँटी काटिएको पाइयो जिल्ला प्रहरी कार्यालय मोरङका एसपी सन्तोष खड्काले बताउनु भयो । मोरङको मिक्लाजुङ् गाउँपालिका १ बर्खे भन्ने जंगलमा सरस्वती आधारभूत विद्यालयका प्रधानाध्यापक रहेका ५२ वर्षीय श्रेष्ठको हत्या भएको थियो । उनलाई आज बिहानै अज्ञात समूहले घरबाट लगेको प्रहरीको प्रारम्भीक अनुसन्धानमा देखिएको एसपी खड्काले बताउनु भयो ।
मृतकका परिवारले दिएको जानकारी अनुसार बिहान साढे ६ बजेतिर ४।५ जनाको समूहले उनलाई घरबाट ’उठाएर’ लगेका थिए । प्रहरीको प्रारम्भीक अनुसन्धानमा नेत्रविक्रम चन्द समूहले हत्या गरेको देखिएको छ । श्रेष्ठले प्रहरीलाई सुराकी दिएकाले हत्या गरेको प्रारम्भिक अनुसन्धानमा देखिएको छ ।
’यो घटनाको प्राविधिकदेखि अन्य कोणबाट अनुसन्धान सुरु भइसकेको छ ।’ एसपी खड्काले भने । सुरुमा उनलाई घरभन्दा करिब १ किलोमिटर पर रहेको जंगलमा लगेर गोली हानेको मृतका परिवारले जानकारी दिएको एसपी खड्काले जानकारी दिएका थिए । शिक्षक श्रेष्ठको हत्या भएपछि प्रदेश १, प्रदेश प्रहरी कार्यालयले पूर्वका विभिन्न जिल्लामा सर्च अभियान चलाएको छ।