रामेछाप । आफुलाई पढाउने शिक्षिकाको हातबाट पीटाई खाँदा मन्थली माविको कक्षा ५ को अंग्रेजी माध्मको विषयमा अध्यनरत २८ जना विद्यार्थि घाईते भएका छन् ।
आफनो कक्षा कोठा सफा नगरेको भन्दै सो माविकी कक्षा शिक्षीका तारा श्रेष्ठको कुटाई बाट ती बिद्यार्थि घाईते भएका हुन् । घाईतेहरु सबैको शरिरमा सिर्कनाको नील डाम रहेको गुनासो अविभाबक स्वयंले गरेका छन् ।
मंगलबार दिउँसो अध्यापन गराउने क्रममा आफनो घण्टिको समयमा शिक्षिका श्रेष्ठले कोठा सफा गराउन बालबालिकालाई निर्दैशन दिदै कक्षाबाट बाहिरिएकी थिईन् । तर विद्यार्थीहरुले कक्षा सफा नगरि बसिरहे । पछि पुनः उनी कक्षामा आउँदा कक्षा सफा नगरेको देखेपछि उनले सबै विद्यार्थीलाई ढोका लगाएर लाईनमा पीटेकी थिईन् । उनले बच्चाहरुलाई पीट्दा कक्षा कोठामा ठुलो रुवावासी चलेको कुरा विद्यार्थीहरुले घरमा गएर गुनासो गरेपछि मात्र आफुहरुले थाहा पाएको अविभाबकहरुले बताएका छन् ।
सोही बिषयलाई लिएर अविभावकहरु बुधबार विद्यालयमा डेलिगेसन पनि गएका थिए । सो बारेमा उनीहरुले विद्यालय प्रशासनको ध्यानाकर्षण गराउँदै आफना बालबालिका पीट्नुको कारण खोजिगर्दै दोषि शिक्षीकालाई कार्वाहीको माग गरेका थिए ।
यस बारेमा विद्यालयका शिक्षक चन्द्रसिह धामी संँग सम्पर्क गर्दा उनले घटना सामान्य भएको र अविभाबक शिक्षकहरु समेतको रोहबरमा समस्या समाधान भैसकेको जानकारी गराए ।
