मन्थली– नेपाली कांग्रेस रामेछापले आफ्ना नेता तथा कार्यकर्तालाई सामाजिक सद्भाव बिथोलिने कुनै गतिविधि नगर्न आग्रह गरेको छ ।
पार्टीले अनिश्चितकाल सम्मका लागि सभा, जुलुस लगायतका कार्यक्रम नगर्न र सामाजिक सञ्जालमा समेत सद्भाव बिथोलिने पोष्टहरु नगर्न पार्टीका नेता तथा कार्यकर्ताहरुलाई आग्रह गरेको हो । पार्टी सभापति पूर्णबहादुर तामाङ कान्छारामको हस्ताक्षरित विज्ञप्ति आइतबार जारी गर्दै पार्टीले यस्तो आग्रह गरेको हो ।
विज्ञप्तिमा देश विषम परिस्थितिमा रहेका बेला पार्टीका नेता तथा कार्यकर्तासँगै नागरिकहरुलाई धैर्यताकासाथ सामाजिक सद्भाव तथा राष्ट्रिय एकताको जर्गेना गर्न र लोकतन्त्रसँगै संविधानको संरक्षण गर्न अनुरोध गरिएको छ ।
रामेछाप कांग्रेसले जेनजी आन्दोलनबाट सार्वजनिक सम्पतिमा क्षति पुगेकोमा दुख व्यक्त गरेको छ, भने आन्दोलनमा ज्यान गुमाएकाहरुलाई श्रद्धाञ्जली र उनीहरुको परिवारलाई समवेदना प्रदान गरेको छ ।
