रामेछाप । मन्थली नगरपालिकाको पौष २८ गते भएको आठौं नगरसभामा आफ्नो धारणा राख्ने क्रममा बोलेको बिषयलाई लिदै नेपाल पत्रकार महासंघ रामेछाप लगाएत विभिन्न पेशागत संघ÷संगठनहरुले निकालेको प्रेम विज्ञप्तीको बिषयलाई लिएर मन्थली नगरपालिकाका प्रमुख रमेशकुमार बस्नेतले आत्माआलोचना गरेका छन् ।
उनले आफ्नो सामाजिक सञ्जाल फेसबुक मार्फत नगरसभामा आफुले बोलेको बिषयलाई लिएर जिल्लाका पत्रकारहरुले निकालेको विज्ञप्तीको बिषयमा आफ्नो धारणा सार्वजनिक गरेका हुन् । सामाजिक सञ्चाल मार्फत उनले मन्थलीको आठौं नगरसभामा जिल्लाका ५ वटा रेडियोलाई मात्रै खबर गरेको र बाँकी अन्य कुनै पनि संञ्चारकर्मीलाई खबर नगरेको जनाएका छन् ।
मन्थली नगरपालिकाको आठौं नगरसभामा आफुले खबर गरेका रेडियोका प्रतिनिधिहरु मध्ये जम्मा २ जना मात्रै उपस्थिती रहेका र बाँकी अन्य कोही नआएकाले सो कार्यक्रममा आफ्नो धारणा राख्ने क्रममा मैले बोलेको भनाईले कोही कसैको भावनामा चोट पुग्न गएको भए सधै आत्माआलोचित हुने छु प्रमुख बस्नेतले सामाजिक संञ्जाल मार्फत सार्वजनिक गरेका हुन् । त्यस्तै आफ्नो भनाईको बिषयलाई लिएर प्रमुख बस्नेतले भनेका छन्– जिल्लाका आम संचारकर्मी प्रति मेरो उच्च सम्मान र मेरो राजनितिक चरित्र रहेकाले अन्यथा नलिइदिन अनुरोध समेत गरेका छन् ।
मन्थली नगरपालिकाको पौष २८ गते भएको आठौं नगरसभामा बोल्ने क्रममा मन्थलीका नगरप्रमुख रमेशकुमार बस्नेतले जिल्लाका पत्रकारहरुलाई “खान र लिन पाउने भए लाईन लागेर आउँथे, अन्यथा किन आउँथे” भन्ने जस्तो तल्लो स्तरको कुराले समग्र पत्रकार र पत्रकारीता पेशा प्रति अपमान गरेको ठहर गर्दै नेपाल पत्रकार महासंघ र अन्य विभिन्न पेशागत संघ÷संघठनहरुले प्रेस विज्ञप्ती मार्फत गम्भिर ध्यानकर्षण भएको जनाएका थिए ।
