रामेछाप । डिभिजन वन कार्यालय रामेछापले राष्ट्रिय वृक्ष रोपन दिवसको अवसरमा सानीमदौ सामुदायिक बनमा वृक्ष रोपन गरेको छ । सदरमुकाम नजिक रहेको सानीमदौ सामुदायिक बन सुख्खा रहेको भन्दै केही वर्ष देखी वृक्षारोपण कार्यक्रमलाई सानीमदौ सामुदायिक बन उपभोक्ता समितिले प्राथमिकता दिँदै आएको छ ।
डिभिजन बन कार्यालयको आयोजनामा भएको कार्यक्रम मन्थली नगरपालिकाका प्रमुख लव श्रेष्ठले हरियाली मन्थली मनाउने लक्ष्य आफ्नो चुनावी एजेन्डा भएकोले मन्थली नगरपालिका वृक्षारोपण कार्यलाई पहिलो प्राथक्तिामा राखेर काम गर्ने बताए । सानीमदौं सामुदायिक बनमा तेज पात, गोल हर, निम, जगरण्डा, क्यासिया, स्वामी, अल्फी, सतिसाल, लप्सी,कटहर,बकाइनो,लगायतका २ सय ५० बिरुवा स्थापना दिवसको अवसरमा सानिमदौं बनमा लगाएको डिभिजन बन कार्यालय रामेछापका प्रमुख ओम सागर भण्डारीले बताए ।
दिवसको अवसरमा सुरुवात मात्र भएको भन्दै रामेछापमा यस वर्ष झन्डै १२ हजार विभिन्न प्रजातिका बिरुवाहरू लगाउने डिभिजन बन कार्यालय प्रमुख भण्डारीले बताए । बन जङ्गल विनाश हुँदै जाँदा मानव जातिलाई चाहिने वातावरण कम हुदैगएको छ । त्यसको हामी सबै मिलेर बन जोगाउन सके मात्र वृक्षारोपणको औचित्य रहन्छ भण्डारीले भने ।
