रामेछाप । सामाजिक सञ्जालमा रमाउन चाहने खाँडादेवी गाउँपालिकाका अध्यक्ष ज्ञानकुमार श्रेष्ठलाई गालीको वर्षा आएको छ । अध्यक्ष श्रेष्ठ गाउँको नागरिकको समस्यामा भन्दा बढी सामाजिक सञ्जालमा समय बिताउने र मनोरञ्जनमा मात्र व्यस्त भएको भन्दै अध्यक्ष विरुद्ध सामाजिक सत्तजालमा स्थानीयले गाली गर्न थालेका छन् । अध्यक्ष श्रेष्ठले फेसबुकमा लाईक, कमेन्ट गरिदिन आग्रह गर्दै स्ट्याटस लेख्दै लाइक, कमेन्ट र शेयर भएमा आफूलाई सन्तुष्टि मिल्ने दाबी गरेका गरेका थिए ।
पालिका अध्यक्ष श्रेष्ठले सोमबार राति सामाजिक सञ्जाल फेसबुकमै स्ट्याटस लेख्दै आफूले पोस्ट गरेको स्ट्याटसमा लाइक, कमेन्ट र शेयर गरिदिन भनेका हुन् । प्रविधिसँगै अगाडि बढ्नु पर्नेमा जोड् दिँदै आएका श्रेष्ठले भनेका छन् ‘जति धेरै त्यसमा लाइक आउँछ, धेरै कमेन्ट आउँछ र जति धेरै सेयर हुन्छ त्येतिनै फेसबुकले पपुलर बनाइ दिन्छ ।’समेत भनेका छन् ।
साथै उनले लेखेका छन् ‘मेरो फेसबुकका साथी रहनुभएका मित्रहरूमा अनुरोध गर्न चाहन्छु कि मैले पोस्ट गरेको सन्देश धेरै धेरै लाइक कमेन्ट र सेयर गरिदिनु ।’यो पोस्ट सँगै नागरिक भने अध्यक्ष विरुद्ध सामाजिक सञ्जालमा गाली गर्न थालेका छन् ।
