काठमाडौं – नेपाली कांग्रेसले २०७९ सालको आमचुनावपछि भएका उपचुनावहरूमा महामन्त्री शर्मा प्रयोग गर्दै आएको छ। आगामी रूपन्देही–३ उपचुनावमा पनि पार्टीले उनलाई खटाएको छ। निर्वाचन आयोगले मिति तय गरेलगत्तै शर्मा दुईपटक भैरहवा पुगेका थिए। पार्टी स्रोतका अनुसार उनका भ्रमण मुख्यतः आन्तरिक व्यवस्थापन र असन्तुष्ट कार्यकर्तासँग संवादमा केन्द्रित रहे।
पहिलो भ्रमणमा शर्मा पार्टी कार्यसमिति, लुम्बिनी प्रदेश समिति, जिल्ला समिति र क्षेत्रीय संरचनासँग छलफलमा रहेका थिए। रूपन्देही–३ का ३६ वडाका सभापतिसँग पनि उनले भेटवार्ता गरेका थिए। दोस्रो भ्रमणमा उनले १२ वटा विषयगत समूह गठन गरी व्यवसायी, उद्योगी, पेसागत संघ-संगठन, पूर्वसैनिक र महिला समूहसँग समन्वय गरेका थिए।
क्षेत्रीय सभापति सुशील गुरुङका अनुसार, “महामन्त्री शर्माले पार्टीभित्र असन्तुष्ट रहेका कार्यकर्तासँग चरणबद्ध रूपमा संवाद सुरु गरेका छन्। गत चुनावमा बिच्किएका मत पुनः जुटाउने रणनीति यही भ्रमणको मुख्य उद्देश्य हो।”
उम्मेदवारको विषयमा भने शर्मा कुनै छलफलमा प्रवेश नगरेका छन्। लुम्बिनी प्रदेश समिति सदस्य रमेश खनालले बताए, “उम्मेदवार बुझ्न होइन, प्रक्रियामार्फत उठेको व्यक्तिलाई जिताउन सहज बनाउने उद्देश्यले आएका हुन्।”
स्रोतका अनुसार यस क्षेत्रमा मुख्य प्रतिस्पर्धा कांग्रेस र एमाले बीच हुने देखिन्छ। पार्टी नेताहरूले नयाँ रणनीति र युवा उम्मेदवारको माग पनि गरेका छन्। गत चुनावमा एमालेसँग गठबन्धन गरेर राप्रपाका दीपक बोहरा निर्वाचित भएका थिए भने कांग्रेसको उम्मेदवार बालकृष्ण खाँणले पराजय भोगेका थिए।
रूपन्देही–३ का कांग्रेस नेता भन्छन्, “गुटगत समस्या समाधान, असन्तुष्ट नेता/कार्यकर्ता मनाउन सके र युवापुस्ताबाट उम्मेदवार उठाए चुनाव जित्न सम्भव छ। यो अभियानलाई २०८४ सालको चुनावका लागि माइलस्टोनको रूपमा लिएका छौं।”
वर्तमानमा कांग्रेसबाट आकांक्षीका रूपमा पूर्वसभापति रामचन्द्र ढकाल, क्षेत्रीय सभापति गुरुङ, प्रदेश समिति सदस्य खनाल लगायतका नाम चर्चामा छन्। विधानअनुसार क्षेत्रीय समितिले उम्मेदवारका लागि एक महिलासहित तीन जनाको नाम केन्द्रमा सिफारिस गर्नुपर्छ।
गत चुनावमा रूपन्देही–३ का वडामा कांग्रेसले समानुपातिक र स्थानीय तहमा पहिलो दलको स्थिति हासिल गरेको थियो। पार्टीले यथार्थपरक रणनीति र आन्तरिक एकताका साथ उपचुनावमा सफलता खोज्ने तयारी गरिरहेको छ।
