काठमाडौँ । राष्ट्रपति रामचन्द्र पौडेलले सर्वदलीय बैठक आह्वान गरेका छन् । राष्ट्रपति पौडेलले सङ्घीय संसद्मा प्रतिनिधित्व गर्ने दलहरूसँग छलफल गर्न मङ्गलवार सर्वदलीय बैठक आह्वान गरेका हुन् ।
बैठक बिहान साढे ८ बजे राष्ट्रपति कार्यालय शीतल निवासमा बस्ने गरी आह्वान गरिएको हो । राष्ट्रपति पौडेलले बोलाएको सर्वदलीय बैठकमा संसद् सुचारु गर्नेसहित समसामयिक राजनीतिक सन्दर्भमा छलफल हुँदै छ ।
राष्ट्रपति पौडेलले संसद्को गतिरोध अन्त्यका लागि यसअघि राष्ट्रपति प्रधानमन्त्री, सभामुख, राष्ट्रियसभा अध्यक्ष, काँग्रेस सभापति, एमाले अध्यक्ष र राष्ट्रिय स्वतन्त्र पार्टीका सभापतिसँग छलफल गरेका थिए ।उनको सचिवालयका अनुसार, राष्ट्रपति भएपछि पहिलो पटक सङ्घीय संसद्मा प्रतिनिधित्व भएका सबै दलसँग छलफल गरेका हुन् ।
