काठमाडौँ । राष्ट्रिय वाणिज्य बैंक लिमिटेड र नेपाल दूरसञ्चार कम्पनी लिमिटेड ९नेपाल टेलिकम० बीच निवृत्तिभरण खाता, तलबी बचत खाता तथा पेसाकर्मी सरल कर्जा सञ्चालनसम्बन्धी सम्झौतापत्रमा आज हस्ताक्षर भएको छ। उक्त कार्यक्रम नेपाल टेलिकमको प्रधान कार्यालयमा आयोजना गरिएको थियो।
नेपाल टेलिकमका प्रबन्ध निर्देशक सबिना मास्के प्रधान र राष्ट्रिय वाणिज्य बैंकका प्रमुख कार्यकारी अधिकृत देवेन्द्ररमण खनाल ले सम्झौतापत्रमा हस्ताक्षर गरे। सम्झौतापत्र अनुसार, वाणिज्य बैंकले नेपाल टेलिकमका सेवानिवृत्त कर्मचारीका लागि पेन्सन खाता सञ्चालन गर्नेछ भने कार्यरत कर्मचारीका लागि तलबी बचत खाता, पेसाकर्मी सरल कर्जा तथा अन्य वित्तीय सेवासुविधा उपलब्ध गराउनेछ।
वाणिज्य बैंक, जसको स्थापना विसं २०२२ माघ १० गते भएको थियो, हाल ७७ वटै जिल्लामा रहेका ३१० शाखामार्फत सेवा प्रवाह गर्दै आइरहेको छ। बैंकका उपकार्यकारी अधिकृत पवन रेग्मी का अनुसार, बैंक आफ्नो सेवालाई समयसापेक्ष बनाउँदै प्रविधिमा आधारित वित्तीय समावेशीकरण र दिगो बैंकिङ सेवाको विकासमा केन्द्रित रहेको छ।
