रामेछाप । रामेछापमा किङस्टार क्रियशन प्रा.लि ले प्रतिभाको खोजि गर्ने उदेश्यले मिस्टर एण्ड मिस मोडल अफ रामेछाप सिजन ३ र लिटिल मोडल अफ रामेछाप सिजन २ प्रतियोगिता शुरु गर्ने भएको छ । बिहिबार सदरमुकाम मन्थलीमा पत्रकार सम्मेलन गरी किङस्टार क्रियशन प्रा.लि ले फागुन १ गतेदेखि चैत २० गतेसम्म प्रतियोगीतामा सहभागीहरुलाई तयारी प्रशिक्षण मन्थलीमा सञ्चालन गर्ने क्रियशन प्रा.लिका व्यवस्थापक सुमन खड्काले जानकारी दिए ।
जिल्लामा लुकेर रहेका प्रतिभाको पहिचान गरी कला, गला र संस्कृतिको राष्ट्रिय तथा अन्तराष्ट्रिय स्तरमा प्रवद्र्धन गर्ने उद्देयले प्रतियोगिता सञ्चालन गर्न लागेका व्यवस्थापक खड्काले जानकारी दिए । प्रतियोगितामा जिल्लाका १४ वर्षदेखि २९ वर्षसम्मका युवाले मिस्टर एण्ड मिस मोडल अफ रामेछाप सिजन ३ मा र ६ वर्षदेखि १३ वर्षसम्मका बालबालीकाले लिटिल मोडल अफ रामेछाप सिजन २ मा सहभागि बन्न पाउने जनाएको छ ।
व्यवस्थापक खड्काले विगत तीन वर्षदेखि रामेछाप जिल्लामा प्रतियोगिता सञ्चालन गर्दै आएको र पछिल्लो समय मिस्टर एण्ड मिस मोडलमा भन्दा पनि लिटिल मोडलमा सहभागिहरुको क्रेज बढेको बताए । खड्काका अनुसार प्रतियोगिताका विजेतालाई नगद पुरस्कार सहित आकर्षक गिफ्ट ह्याम्पर तथा क्राउन ट्रफिबाट सम्मानित गरिने र उत्कृष्ट प्रतिभालाई म्युजिक भिडियो खेल्ने अवसर प्रदान गरिने बताएका छन् ।
साथै राष्ट्रिय तथा अन्तराष्ट्रिय स्तरका बिभिन्न प्रतियोगीतामा सहभागीहुन चाहनेहरुलाई आफुहरुले सहयोग गर्ने बताएका छन् । प्रतियोगीता सम्पन्न गर्न १३ लाख भन्दा बढी खर्चको अनुमान गरिएको पत्रकार सम्मेलनमा जनाएको छ । रामेछापको प्रतिभालालाई राष्ट्रिय तथा अन्तराष्ट्रिय स्तरमा चिनाउन यस्ता प्रतियागीताले सहयोग पुर्याउने भएकाले कार्यक्रम सफल पार्न सहयोग गर्न ब्यापारी र स्थानिय सरकारलाई समेत पत्रकार सम्मेलन मार्फत आग्रह गरेको छ ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
