रामेछाप । रामेछापमा पनि २ सय ९९ औं पृश्वी जयन्ती तथा राष्ट्रिय एकता दिवस बिविध कार्यक्रमका साथ मनाइएको छ ।
राष्ट्रिय प्रजातन्त्र पार्टीले सोमवार सदरमुकाम मन्थलीमा बिभिन्न नारा लेखिएको प्लेकार्ड सहित निस्किएको र्यालीमा सहभागी कार्यकर्ताहरुले पृश्वी नारायण शाह अमर रहुन, राष्ट्रिय एकता जिन्दावाद, सम्पूर्ण नेपालीको जयहोस् लगाएतका नारा सहित मन्थली बजार परिक्रमा गरी र्याली पुरानो कटहरबोटमा पुगेर कोणसभामा परिणत भएको थियो ।
राष्ट्रिय प्रजातन्त्र पार्टीले पृथ्वी नारायण शाहको तस्वीरमा माल्यापर्ण गरि पृथ्वी जयन्ती तथा राष्ट्रिय एकता दिवस मनाइएको हो । राष्ट्रिय प्रजान्तत्र पार्टी रामेछापका अध्यक्ष रामचन्द्र शर्माको अध्यक्षतामा भएको कोणसभा कार्यक्रममा वोल्दै राप्रपा केन्द्रिय सदस्य लालध्वज लामा, दिनेश कार्की र सरस्वती श्रेष्ठले १७७९ साल पुस २७ गते गोरखामा जन्मिएका पृश्वीनारायण शाहले नेपाल एकिकरण गरेर नायकको भूमिका निर्वाह गर्नुभएको भन्दै उहाँलाई सबैले सम्झनु पर्ने बताए ।
यदी पृश्वी नारायण शाह नभएको भए नेपाल एकिकरण सम्भव नै नभएको भन्दै बाइसे र चौवीसे राज्यलाई एकिकरण गरेर नेपालको भूगोललाई एकिकरण गर्ने शाहलाई सबै नेपालीले भुल्नु नहुने राष्ट्रिय प्रजातन्त्र पार्टीका जिल्ला अध्यक्ष रामचन्द्र शर्माले बताए । उनले भने– सरकारी स्तरवाट नेपाल एकिकरण गराउने पृश्वी नारायण शाहलाई भुल्नु गलत भएको जानकारी दिए ।
नेपाल एकिकरणपछि पृश्वीनारायण शाहको सम्झनामा २००७ सालदेखी नेपालमा राष्ट्रिय एकता दिवस मनाउँदै आएकोमा नेपालमा भएको २०६२÷०६३ को जनआन्दोलन पछि सरकारी स्तरवाट एकता दिवस मनाउन खारेज गरेको हो ।