मन्थली–रामेछाप नगरपालिका–७ बिर्ताटारमा दशैँको अवसरमा खुल्ला पुरुष फुटबल प्रतियोगिता हुने भएको छ । हिल भ्यू एफ.सि. क्लबले दशैँलाई थप रोमाञ्चक र उल्लासपूर्ण बनाउन असोज १८ र १९ गते प्रतियोगिता आयोजना गर्ने भएको हो । क्लबका अध्यक्ष नविन हायूले युवाहरुको खेल क्षमताको प्रदर्शन गर्ने र मनोरञ्जन प्रदान गर्ने उद्धेश्यका साथ प्रतियोगिता आयोजना गरिएको जानकारी दिए । उनका अनुसार प्रतियोगिता बिर्ताटार खेलमैदानमा सञ्चालन हुने छ । अध्यक्ष हायूले सबै फुटबलप्रेमी तथा इच्छुक टिमहरुलाई समयमै टिम दर्ता गरी प्रतियोगितामा सहभागी हुन अनुरोध गरेका छन् । प्रतियोगितामा प्रथम पुरस्कार २० हजार बराबरको खसी र एक हजार १ सय रुरुपैयाँ र द्धितीय पुरस्कार पाँच हजार बराबरको २ वटा लोकल भाले र पाचँ हजार रुपैयाँ रहेको छ । त्यसैगरी प्रत्येक खेलमा म्यान अफ द म्याच घोषित हुने खेलाडीलाई पाँच सय, उत्कृष्ट खेलाडीलाई एक हजार १ सय र हाईस्कोर ल्याउने खेलाडीलाई एक हजार १ सय र उत्कृष्ट गोलरक्षकलाई एक हजार १ सय रुपयौँ पुरस्कारको व्यवस्था रहेको क्लबले जनाएको छ ।