रामेछाप । रामेछापमा नेकपा एमाले क्लिन स्विप भएको छ । एक मात्र निर्वाचन क्षेत्र रहेको रामेछापमा आइतबार सम्पन्न मतगणना अनुसार लोकतान्त्रीक बाम गठबन्धनका साझा उम्मेरद्वार समेत नेपाली कांग्रेस रामेछापका जिल्ला सभापति पुर्ण बहादुर तामाङ कान्छारामले एमालेका उम्मेद्वार कैलाश प्रसाद ढुंगेललाई फराकिलो मतान्तरले पछि पार्दै बिजयी भएका हुन् । तामाङले बागमती प्रदेशको पुर्व मन्त्री समेत रहेका ढुंगेललाई १६ हजार ३ सय ६९ मतको फराकिलो मतान्तरले पराजित गरेका हुन् । बिजयी तामाङले ४७ हजार ९८ मत पाएका छन् भने उनका निकटतम प्रतिद्वन्दी ढुंगेलले ३० हजार ७ सय २९ मत पाएका छन् ।
त्यसैगरी प्रदेश सभा ‘क’ मा लोकतान्त्रीक बाम गठबन्धनका साझा उम्मेरद्वार एव नेकपा माओवादी केन्द्रका जिल्ला सचिब तारानारायण श्रेष्ठ बिजय भएका छन् । सत्तागठबन्धनका साझा उम्मेरद्वार श्रेष्ठले नेकपा एमालेका उम्मेरद्वार शान्तिप्रसाद पौडेललाई १ हजार ९ सय ९१ मतले हराउदै विजय भएका हुन् । श्रेष्ठले १७ हजार १ सय ४८ मत प्राप्त गर्दा पौडेलले १५ हजार १ सय ५७ मत प्राप्त गरेका थिए ।
प्रदेश सभा (ख) मा पनि लोकतान्त्रीक बाम गठबन्धनका साझा उम्मेरद्वार एव नेकपा माओवादी केन्द्रका पोलिट ब्युरो सदस्य समेत रहेका युबराज चौलागाई बिजय भएका छन् । चौलागाईले नेकपा एमालेका उम्मेरद्वार मिलनकुमार घिसिङलाई ४ हजार ७ सय ७३ मतले हराउदै विजय भएका हुन् । चौलागाईले २२ हजार ९ सय ७८ मत प्राप्त गर्दा घिसिङले १८ हजार २ सय ५ मत प्राप्त गरेका थिए ।
