रामेछाप । रामेछपमा थप एक पुरुषमा कोरोना पुष्टि भएको छ । कोरोना सङ्क्रमण पुष्टि हुनेमा गोकुलगंगा गाउँपालिका वडा नं–१ चुचुरेका ६० वर्षिय पुरुष रहेका छन् ।
विरामी भएर उपचारको लागि जिल्ला स्वास्थ्य कार्यालय रामेछपमा पुगेका उनी सहित दुुई जनाको स्वाब संकलन गरि शनिवार परीक्षणको लागि धुलिखेल अस्पतालमा पठाइएको थियो । धुलिखेल पठाइएको दुई जनाको स्वाब मध्ये एकजनाको रिर्पोट पोजेटिभ आएको जिल्ला स्वास्थ्य कार्यालय रामेछापका जनस्वास्थ्य निरीक्षक भुवन थापाले जानकारी दिए । उनले भने– अहिले उनको जिल्ला अस्पताल रामेछापको आइसोलेसन वाडमा राखेर उपचार भइरहेको छ ।
नयाँ थप एकजना कोरोना संक्रमित संख्या थपिएसँगै रामेछापमा हालसम्म २ सय २५ जनालाई कोरोना संक्रमण पुष्टि भएको छ । जसमध्ये हाल एक जना मात्रै सक्रिय संक्रमित रहेको र अन्य सबैको निको भएको जिल्ला स्वास्थ्य कार्यालय रामेछापले जनाएको छ ।
