रामेछाप । रामेछापको खाँडादेवी गाउँपालिका ३ भिरपानीमा बा ३ ख ४०४८ नं को यात्रु बाहक बस दुर्घटना भएको छ । दुर्घटनामा परी १३ जना घाइते भएका छन् । घाइते मध्य १ जनाको अवस्था गम्भिर रहेको प्रहरीले जनाएको छ । आइतबार बिहान खाँडादेवी गाउँपालिका ७ पात्ले बाट काठमाण्डौ जान हिडेको सुन्दरीमाई यातायतको बा ३ ख ४०४८ नं को यात्रु बाहक बस भिरपानीको गुन्डुखोलामा दुर्घटना भएको हो ।
बस अत्याधिक गतिका कारण दुर्घटना परेको हुन सक्ने अनुमान स्थानिय हरुले गरेका छन् । दशैको समयमा टिका लगाएर फर्कदै गरेका यात्रु बोकेको बस रिर्जभ गरेर ल्याईएकोले बाटाको बारेमा मोड र ओरालोको अनुभब नभएका कारण अनियन्त्रीत भई दुर्घटना भएको हुन सक्ने जिल्ला प्रहरी प्रमुख डिएसपि राजकुमार थिङले जानकारी दिए । बसमा करिब ३० जना यात्रु सबार रहेको र उनिहरु मध्ये य १३ जना घाईते भएका र एक जनाको अबस्था गम्भिर रहेको पनि डिएसपी थिडले जानकारी दिए ।
सबैलाई प्रहरि सँगको सहयोगमा स्थानिय हरुले उद्धार गरि उपचारको लागि धुलिखेल अस्पतालमा पठाईएको छ । दुर्घटनाको खबर पाउना साथ प्रहरी प्रमुख थिङको नतृत्वमा प्रहरिको टोली पनि घटना स्थलमा पुगेको थियो ।
