रामेछाप । जिल्ला निर्वाचन कार्यालय रामेछापले आगामी मंसिर ४ गते हुने प्रदेश तथा प्रतिनिधिसभा निर्वाचनलाई लक्षित गरी जिल्लाभित्र ५ वटा मतदान स्थल र ५ वटा मतदान केन्द्र थप गर्न निर्वाचन आयोगलाई सिफारिस गरेको छ ।
यसअघि रामेछापमा ९२ वटा मतदान केन्द्र र २ सय २३ वटा मतदान केन्द्र रहेको थियो । हाल जिल्लामा मतदाता सख्या बृद्धि भएको र यसअघि रहेको मतदान केन्द्र सवै मतदातालाई पायक नपर्ने भन्ने गुनसो स्थानिय तहवाट आएपछि यसअघि भएको ९२ मतदान स्थल मध्ये ५ वटा थप गरि ९७ वटा मतदान स्थल बनाउने र २ सय २३ वटा मतदान केन्द्रमा थप ५ वटा थप गरी २ सय २८ वटा पुरयाउने गरी निर्वाचन आयोगलाई सिफारिस गरिएको जिल्ला निर्वाचन अधिकृत मधुकर शाहले जानकारी दिए । उनले भने– ८ वटा मतदान स्थलको नाम शसोधन, ५ वटा मतदान केन्द्रलाई फुटाएर १० वनाउने र ४ वटा मतदान केन्द्रको ठाउँ सारीको लागि सिफारिस गरेका छौं ।
निर्वाचन कार्यालयले खाँडादेवी गाउँपालिका–१ राकाथुम वडा कार्यालयमा रहेको मतदान स्थललाई राकाथुम माध्यमिक विद्यालय, सोही गाउँपालिका–५ पकरवास आधारभूत विद्यालय राम्चेमा रहेको मतदान स्थललाई वडा कार्यालय भवन भिमस्थान, रामेछाप नगरपालिका–३ साँघुुटार कालिका ईश्वरी आधारभूत विद्यालय बाँकीमैरीमा रहेको मतदान स्थललाई वडा कार्यालय भवन साँघुटार र सोही पालिका–९ को भिमसेनस्थान मन्दिरमा रहेको मतदान स्थललाई भिमेश्वर आधारभूत विद्यालय ल्याङल्याङमा सार्न सिफारिस गरेको छ ।
निर्वाचन कार्यालय रामेछापले अहिले मतदाता नामावली संङकलनको काम रोकी यसअघि मतदाता नामावलीमा नाम समावेश भएका मतदाताहरुका अध्यावधिक गर्ने काम भइरहेको जनाएको छ । रामेछापमा गएको वैशाख ३० गते सम्पन्न भएको स्थानिय तहको निर्वाचनमा २ लाख ७८ हजार ८ स य ६७ जना मतदाताको नाम कायम गरिएको थियो । जसमध्ये स्थानिय तहको निर्वाचनमा १ लाख १७ हजार २ सय ४२ जनाले मतदान प्रक्रियामा सहभागीता जनाएको जिल्ला निर्वाचन कार्यालय रामेछापले जनाएको छ ।
