भाद्र २४, रामेछाप । जेन(जी आन्दोलनका क्रममा प्रहरीको गोली लागी मृत्यु भएका विद्यार्थीप्रति श्रद्धाञ्जलीस्वरूप रामेछाप जिल्लाभर आज निजी तथा सामुदायिक विद्यालयहरु बन्द भएका छन् । आजका लागि तोकिएका परीक्षा मिति ३१ भदौमा सारिएको छ ।
मन्थली माध्यमिक विद्यालयका प्रधानाध्यापक टंकप्रसाद दाहालका अनुसार मन्थली नगरपालिका अन्तर्गतका सम्पूर्ण विद्यालयलाई आज (मंगलबार) शोक विदा भएको हो । उनले भोलिको परीक्षा भने परिस्थितिअनुसार मात्र सञ्चालन वा सार्नेबारे निर्णय हुने बताए ।
यसैगरी, प्राइवेट तथा बोर्डिङ स्कूल अर्गनाइजेसन नेपाल (प्याब्सन) रामेछापले समेत विज्ञप्ति जारी गर्दै आज जिल्लाभरका निजी विद्यालय बन्द गर्ने निर्णय गरेको छ । प्याब्सन रामेछापका अध्यक्ष केशव तिमलसिनाले विशेष परिस्थितिका कारण एक दिनका लागि विद्यालय बन्द हुने जानकारी दिएका छन् ।
“यो शोकपूर्ण घडीमा हामी मृतक विद्यार्थीहरूप्रति हार्दिक श्रद्धाञ्जली अर्पण गर्दै शोकसंतप्त परिवारप्रति गहिरो समवेदना प्रकट गर्दछौं,” विज्ञप्तिमा उल्लेख गरिएको छ । साथै, विद्यालय बन्द हुँदा पर्न गएको असुविधाप्रति क्षमा प्रार्थना गरिएको छ ।
