रामेछाप — आगामी आर्थिक वर्ष २०८२/०८३ मा रामेछाप जिल्लाका स्थानीय तहहरूले संघीय सरकारबाट ३ अर्ब ३३ करोड २६ लाख रुपैयाँ बराबरको अनुदान प्राप्त गर्ने भएका छन्। जिल्लाका ८ वटै स्थानीय तहलाई विभिन्न शीर्षकमा उक्त रकम विनियोजन गरिएको हो।
अनुदानमध्ये सशर्त अनुदानतर्फ सबैभन्दा धेरै २ अर्ब ८ करोड ४७ लाख रुपैयाँ परेको छ। त्यसपछि समानीकरण अनुदानतर्फ १ अर्ब ४ करोड ७८ लाख, विशेष अनुदानतर्फ ५ करोड ७६ लाख, र समपुरक अनुदानतर्फ १५ करोड २५ लाख रुपैयाँ छुट्याइएको छ।
रामेछाप जिल्लाका दुई नगरपालिका र छ गाउँपालिकामध्ये नगरपालिकाहरूले १ अर्ब १८ करोड २० लाख रुपैयाँ पाउने भएका छन् भने गाउँपालिकाहरूका लागि २ अर्ब १५ करोड ६ लाख रुपैयाँ विनियोजन गरिएको छ।
जिल्लाका स्थानीय तहहरूमध्ये मन्थली नगरपालिकाले सबैभन्दा धेरै ६७ करोड १७ लाख रुपैयाँ अनुदान प्राप्त गर्नेछ। त्यसपछि रामेछाप नगरपालिकाले ५१ करोड ३ लाख रुपैयाँ पाउनेछ। गाउँपालिकातर्फ गोकुलगंगा गाउँपालिकाले सबैभन्दा कम ३१ करोड ९८ लाख रुपैयाँ पाउनेछ।
अन्य गाउँपालिकाहरूमा खाँडादेवीले ४४ करोड १४ लाख, लिखु तामाकोशीले ३५ करोड ७३ लाख, दोरम्बाले ३४ करोड ६५ लाख, उमाकुण्डले ३४ करोड ६२ लाख र सुनापतिले ३३ करोड ९४ लाख रुपैयाँ संघीय अनुदान पाउनेछन्।
संघीय सरकारले वितरण गर्न लागेको यो अनुदान स्थानीय विकासका पूर्वाधार, शिक्षा, स्वास्थ्य, कृषि तथा अन्य सेवा प्रवाह सुधारमा खर्च गरिने अपेक्षा गरिएको छ।
