रामेछाप । नेपाली काँग्रेसका भातृ संस्था नेपाल तरुण दलको केन्द्रिय सदस्यमा ८ जना मनोनित भएका छन् । नेपाली काँग्रेसका पार्टी सभापति शेरवहादुर देउवाले नेपाल तरुण दल केन्द्रीय कार्यसमितिमा रामेछापका ८ जनालाई मनोनित गरेका हुन् ।
पार्टी सभापति देउवाले नेपाल तरुण दलका केन्द्रीय अध्यक्ष विद्धान गुरुङ्गको अध्यक्षतामा गठित समितिमा रामेछापका युवा नेताहरुलाई केन्द्रीय सदस्यमा मनोनित गरेका हुन् । मनोनित हुने सदस्यहरुमा सुनापति गाउँपालिकाका कमान खड्का (दिपेन्द्र) र बिनिता खड्का, खाँडादेवी गाउँपालिकाका सौरभ केसी, मन्थली नगरपालिकाका शुशिल बुढाथोकी र चन्द्र वाइवा, गोकुलगंगा गाउँपालिकाका रमेशकुमार खड्का र रामेछाप नगरपालिकाका रिसिभ थापामगर रहेका छन् ।
तरुण दलमा रामेछापवाट एकै पटक यति धेरै केन्द्रीय सदस्य बन्नु जिल्लाकै खुशिको कुरा भएको नेपाल तरुण दल रामेछापका उपाध्यक्ष बाशु फुयालले जानकारी दिए । उनले भने– पार्टी पंक्तीले पहिला नै केन्द्रीय सदस्य थपेर भातृसंस्थाहरुलाई चलाएमान बनाउनु पथ्र्यो । ढिला भएपनि पार्टीले जिल्लाका तरुण युवाहरुलाई केन्द्रीय सदस्यमा मनोनित गरेर जिम्मेवारी प्रदान गरेको छ, त्यो जिम्वेवारी अनुसार अब युवा साथीहरुले केन्द्रमा बसेर हैन, स्थानिय तहको वडा तहसम्म पुगेर आफ््नो संगठनलाई चलाएमान बनाउनुपर्ने उपाध्यक्ष फुयालले बताए ।
