रामेछाप । २०७२ सालको बिनासकारी भुकम्पले क्षती पुर्याएका रामेछापका २२ वटा स्वास्थ्य संस्थाको पुनर्निमार्णको काम शुरुवात भएको हो ।
बिरामीलाई सुविधा सम्पन्न भवनवाट स्वास्थ्य सेवा उपलव्ध गराउने उद्धेश्यले ती स्वास्थ्य संस्थाको भवन पुनर्निमार्ण गर्न लागिएको हो । यसअघि भुकम्पले क्षती पुगेका भवनवाट स्वास्थ्य संस्थाले विरामीलाई सेवा दिदै आएका थिए । सरकारले भुकम्पपछि स्वास्थ्य संस्थाको पुनर्निमार्णको जिम्मा राष्ट्रिय पुनर्निमार्ण प्राधिकरणलाई दिएपछि रामेछापमा जिल्ला अस्पताल, बाम्ती अस्प्ताल र कठजोर स्वास्थ्य चौकीको भवन निमार्णको काम सकिएको छ । सुविधा सम्पन्न भवन निमार्ण भएसँगै ती स्वास्थ्य संस्थाबाट बिरामीलाई स्वास्थ्य सेवा दिदै आएको जिल्ला अस्पताल रामेछापका प्रमुख डा.पवन शाक्यले जानकारी दिए ।
केही महिनाअघि सरकारले पुनर्निमार्ण प्राधिकरण खारेज गरेर बाँकी भवन निमार्णको कामको जिम्मेवारी सघन सहरी तथा भवन निमार्ण आयोजनालाई दिएसँगै रामेछापमा पुनर्निमार्ण हुन बाँकी रहेका स्वास्थ्य संस्थाको काम अघि वढाएको हो । हाल मन्थली अस्पतालको १५ शैया, प्राथमिक स्वास्थ्य केन्द्र गेलुमा ५ शैया क्षमताको भवन निमार्ण भइरहेको छ । त्यस्तै स्वास्थ्य चौकी देउराली, खाँडादेवी, कुभुकास्थली, चुचुरे, तिल्पुङ्ग, विजुलीकोट, सालु, गोठगाउँ, हिमगंगा, रामपुर, ओख्रेनी, दुरागाउँ र भलुवाजोरका स्वास्थ्य संस्थाको भवन निमार्णको काम धमाधम भइरहेको आयोजना प्रमुख सुरेशकुमार वाग्लेले जानकारी दिए ।
उनले भने– भवन निमार्णको लागि २० करोड ५२ दाख रुपैयाँमा निमार्ण गरिसक्ने गरि निमार्ण कम्पनीसँग सम्झौता भएर काम अघि वढेको छ । यस्तै जिल्लाको गौश्वारा,डडुवा, गेलु, चनखु, चिसापानी,पिङखुरी, मझुवा र खनियापानीमा पनि भवन निमार्णको काम भइरहेको ती भवन निमार्णको लागि १९ करोड ३७ लाख रुपैयाँ र मन्थली अस्पताल पुनर्निमार्णको लागि ९ करोड ३२ लाख रुपैयाँको लागतमा निमार्ण सक्ने गरि निमार्ण कम्पनीसँग सम्झौता गरेर काम अघि वढेको छ । सबै स्वास्थ्य संस्थाको पुनर्निमार्णको काम समयमानै सक्ने गरिसक्ने प्रमुख वाग्लले बताए ।
