रामेछाप । मंसिर ४ गते हुने संघिय र प्रदेश संसदको निर्वाचनमा रामेछाप प्रदेश सभा “क” मा शम्भु प्रर्साद घिमिरेले आफ्नो दावी रहेको बताएका छन् । घिमिरेले नेपाली कांग्रेसको लामो राजनीतीक यात्रा पछी प्रदेश सभा “क” मा आफ्नो दावी पार्टी भित्र रहेको बताएका हुन् ।
घिमिरेले भने पार्टी भित्र मेरो दावी छ र रहन्छ म लामो समय पार्टीमा रहेर प्रत्यक्ष होस या अप्रत्यक्ष रुपमा पार्टीललाई सहयोग गरिरहेको छु । मेरो जिल्लाको नागरिक समक्ष पनी राम्रो सम्बन्ध छ । जिल्लाको नागरिकको घर दैलोमा बिभिन्न कार्यक्रम लिएर जाने गरेको छु । पार्टीले बिश्वास गरे मलाई टिकट दिएमा सहज तवरले पार्टीको जित हुन्छ त्यसको जिम्मा म लिन सक्छु घिमिरेले भने । रामेछाप नगरपालिका–८ निवासी घिमिरे २०४६ साल देखी निरन्तर पार्टी राजनितिमा सक्रिय छन् ।
पार्टी बाट खासै घिमिरेले लाभको पद भने लिएका छैनन् । घिमिरे लायन्स क्लवमा रहेर सामाजिक क्षेत्रमा सक्रिय छन् । घिमिरेले लायन्स क्लव बाट समस्यामा परेको जिल्लाको बिभिन्न क्षेत्रका नागरिकलाई सहयोग गर्दै आएका छन् । लायन्स क्लव बाहेक ब्यक्तिगत रुपमा समेत बिद्यालय र समाजिक संघ संस्थालाई सहयोग गर्दै आएका छन् । जसको कारण पनि टिकट पाउदा आफु सहजै जित्न सक्ने घिमिरे बताउछन् ।
