रामेछाप । नेपाली काँग्रेस रामेछाप महासमिति सदस्य चयनको विषयमा विशेष छलफलमा जुटेको छ । मंसिर ९ गते बसेको जिल्ला कार्यसमितिको बैठकले सहमतीको लागी नेपाली काँग्रेसका नि वर्तमान जिल्ला सभापती लबश्री न्यौपानेको नेतृत्वमा ५ सदस्य समिति गठन गरेको थियो ।
न्यौपानेको नेतृत्वमा काँग्रेस नेता कृष्ण महत, जिल्ला कार्यसमिति सदस्य चिना खड्का (कार्की) क्षेत्रीय सभापतिहरू निरोज खड्का (१) र राजेश कुमार श्रेष्ठ (२) सदस्य रहने गरी समिति गठन गरेको थियो । बैठकले मंसिर १७ गते सम्म सहमती गर्ने जिम्मा समितिलाई दिएको थियो । समितिले बोलाएको बिभिन्न बैठकमा सहमती जुट्न सकेको छैन् । बैठकमा केहि नेताहरुले सहमती गरेर पार्टिलाई एक ढिक्का बनाउने सवालमा आफु सहमतीको पक्षमा रहेको बताएका छन् । केहि नेताले भने आफु सहमती भए पनी निर्वाचनमा गए पनी पछी नहट्ने भन्दै निर्वाचन गराउन लागी परेका छन् ।
काँग्रेस रामेछापका पुर्व पार्टी सभापती रामचन्द्र खड्काले सहमतिका लागी सबैलाई आग्रह गरेका छन् । नेता खड्काले सहमती बाट पार्टीलाई मजबुद बनाउन सकिने भन्दै सहमती हुने भए आफ्नो नाम नराखे पनि मिलेर जाने धारणा राखेका छन् । नेता खड्काले पार्टी भित्र एकले अर्काको आरोप प्रत्यारोप गर्ने स्थिति आएको भन्दै सहमती हुने भए आफु बाधक नहुने भन्दै आफ्नो नाम हटाउदा सहमती जुटे आफु आफ्नो नाम प्रतिस्पर्धा बाट हटाउन तयार रहेको बताए ।
नेता अर्जुन केसीले पनि आफु सहमतीको पक्षमा रहेको बताएका छन् । अहिले सहमती गर्ने सहमती पछी फेरी कसैलाई पेल्ने र ठेल्ने हो भने सहमती हुन्न । यदि सहकार्य र सहमती बाट पार्टी सञ्चालन गर्ने भए आफु सहमतीको पक्षमा रहेको बताए । सधैको लागी गुटको अन्य गरेर लैजाने हो भने आफु सहमतीको लागी तयारहेको र आफु बाहिर बसेर अन्य साथिलाई समेत सहयोग गर्न तयार रहेको बताए ।
नेता धुब्रहरि ढुङ्गेलले भने आफूले पार्टीमा ४ दशक बढी बिताएको भन्दै महासमिति सदस्यको लागि बलियो दाबेदार रहेको धारणा राखे । उनले अहिलेको नेतृत्वले पनि ती कुरालाई बुझ्नु जरुरी रहेको उल्लेख गर्दै नेता ढुङ्गेलले आफू कुनै पनि हालतमा सदस्यमा पर्नु पर्ने त्यसको लागि निर्वाचन वा सहमति दुवैका लागी तयार रहेको बताए ।
काठमाण्डौमा बसेको बैठकमा २७ जना महाधिवेशन प्रतिनिधी मध्ये पार्टी सभापति पूर्णबहादुर तामाङ (कान्छाराम) सहितको २१ जना उपस्थित भएका थिए
