रामेछाप । रामेछाप जिल्लाका विभिन्न स्थानलाई सङ्कट ग्रस्त क्षेत्र घोषणा गर्नु पर्ने निर्णय सहित सिफारिस गरेको छ । जिल्ला विपद् व्यवस्थापन समिति रामेछापको बैठकले रामेछाप जिल्लालाई ‘सङ्कटग्रस्त क्षत्र’ घोषणा गर्न माथिल्लो निकायमा सिफारिस गर्ने निर्णय गरेको हो ।
सङ्घीय सरकारले अन्य विभिन्न जिल्लालाई सङ्कटग्रस्त जिल्ला घोषणा गर्दा समेत रामेछाप जिल्लालाई सङ्कट क्षेत्र जिल्ला घोषणा नगरेको भन्दै आलोचना भइरहेको छ । यही ११ र १२ गतेको भीषण वर्षाको कारण अन्य जिल्लाहरूसँग सिधा सम्पर्क टुटेको रामेछापलाई सङ्कटग्रस्त जिल्ला घोषणा नगर्नु आपत्ति जनक भएको भन्दै प्रदेश सांसद्हरुले नै सरकारको आलोचना गरिरहेका छन् ।
बैठकले मन्थली नगरपालिकाको १ देखी १४ वटा वडा खाँडादेवी गाउँपालिकाको १,३ र ४, उमाकुण्ड गाउँपालिकाको वडा नं ३ नम्बर वडा ,रामेछाप नगरपालिकाको २,३,४,५, ७ र ९ नम्बर वडा, सुनापति गाउँपालिकाको वडा नं १,२,४ र ५ लिखु तामाकोशी गाउँपालिका,गोकुलगंगा गाउँपालिका ५ र ६ मा नम्बर वडालाई सङ्कट ग्रस्त क्षेत्र घोषणा गर्ने निर्णय सहित प्रदेश सरकार र सङ्घीय सरकारलाई पत्राचार गर्दै सङ्कट ग्रस्त क्षेत्र घोषणा गर्न अनुरोध गरेको छ ।
