मन्थली । रामेछाप बहु प्राविधिक शिक्षालय मन्थलीले दिगो विकासका लागी शैक्षिक करियर परामर्श र उत्प्रेरण कार्यक्रम बारे सरोकारवालाहरूको लागी आधारभूत अभिमुखीकरण कार्यक्रम सञ्चालन गरेको छ । शुक्रवार बिद्यार्थीहरुको शैक्षिक करियर दिगो विकासका लागी सरोकारवालाहरू सँग शैक्षिक परामर्श गरेको थियो । कार्यक्रममा सरोकारवाला निकायको सहभागिता रहेको थियो ।
कृषि, भेटेरिनरी,फुड एन्ड डेरी टेक्नोलोजीमा रामेछाप बहु प्राविधिक शिक्षालयमा पठन पाठन हुँदै आएको छ । तर प्रचार प्रसार नहुँदा विद्यार्थी भना सङ्ख्या भने कम छ ।प्रमुख जिल्ला अधिकारी सञ्चाल क समितिको अध्यक्ष रहने व्यवस्था भएको उक्त शिक्षालयको गुणस्तर खस्कँदै गएपछि पछिल्लो समयमा प्रजिअ लगाएको व्यवस्थापन समितिले केही सुधारका प्रयासहरू गरेको छ । जस मध्ये यस अघि केही पालिकामा प्रचार प्रसारका कार्यक्रमहरू गरेको, शुक्रवार सरोकारवालाहरू र एस इ इ दिएर बसेका बिद्यार्थीहरुसँग अन्तरक्रियात्मक कार्यक्रमको आयोजना गरिएको थियो ।
दिगो विकासका लागि दक्ष मानवीय पुँजी निर्माण र मानव संसाधन ब्यवस्थपनको दीर्घकालीन लक्ष कसरी हासिल गर्न सकिन्छ भन्ने बारेमा प्रशिक्षक सन्तोष खड्का र शशि श्री पौडेलले विद्यार्थी र सरोकारवालाहरूलाई राखेर जानकारी गराएका थिए ।
कार्यक्रममा बोल्दै प्रमुख जिल्ला अधिकारी अनिता निरौलाले बहु प्राविधिक शिक्षालयमा विद्यार्थीहरू को कोटा पनि नपुग्ने अवस्था सृजना भएको र फुड एन्ड टेक्नोलोजीमा विद्यार्थी समेत भर्ना नभएको वर्तमान अवस्थामा जिल्ला र पालिका स्तरमा यसको प्रचार प्रचारको अभियान थालिएको जानकारी दिए ।
प्रमुख जिल्ला अधिकारी निरौलाले बढी भन्दा बढी विद्यार्थी लाई आकर्षण गरेर गुणस्तरीय शिक्षा दिने गरी शिक्षालयले शैक्षिक क्यालेन्डर बनाएर आफ्नो अभियान सञ्चालन गर्न शिक्षालयलाई निर्देशन दिए ।
कार्यक्रमका अवसरमा प्राविधिक शिक्षालयका प्रमुख वैकुण्ठ श्रेष्ठले शिक्षालयको सुधारका लागि आफूले आवश्यक प्रयास गरिरहेको दाबी गरे ।
