रामेछाप । निजी तथा आवासीय विद्यालय अर्गनाइजेशन नेपाल रामेछापको छैटौँ जिल्ला अधिवेशन सम्पन्न भएको छ । छैटौँ जिल्ला अधिवेशन बाट पुनः केव्स स्कुलका प्रिन्सिपल केशव तिमल्सिना सर्वसम्मत अध्यक्षमा चयन भएका छन् ।
अधिवेशन बाट उपाध्यक्षमा तामाकोसी इंग्लिश बोर्डिङ स्कुलका शिक्षिका पार्वती पाठक, सचिवमा लिटल स्टार इंग्लिश स्कुलका प्रिन्सिपल रमेश फुयाँल,कोषाध्यक्षमा जिएन इंग्लिश बोर्डिङ स्कुलकी प्रिन्सिपल अनिता कार्की सदस्यहरूमा गङ्गालाल एकेडेमीका रवीन्द्र कुमार श्रेष्ठ, खिम्ती सइनराज पब्लिक स्कुलका खड्ग बहादुर थापा र दीपज्योति इंग्लिश स्कुलका अनिल श्रेष्ठ सर्वसम्मत चयन भएका छन् ।
त्यस्तै गरी गङ्गालाल एकेडेमीका अध्यक्ष ढाल विक्रम काकी महाधिवेशन प्रतिनिधिमा चयन भएका छन् । अधिवेशनको उद्घाटन गर्दै कार्यक्रमका प्रमुख अतिथि समेत रहेका ऊर्जा जलश्रोत तथा सिचाई राज्यमन्त्री पूर्णबहादुर तामाङले निजी तथा आवासीय विद्यालयहरूले शैक्षिक क्षेत्रको विकासमा महत्त्वपूर्ण भूमिका निर्वाह गरेको भन्दै शैक्षिक क्षेत्रको विकास गर्न आफूले सकेको सहयोग गर्ने बताउनु भएको छ ।
