रामेछाप । नेपाल पत्रकार महासंघ रामेछापकी सदस्य ज्ञानु श्रेष्ठलाई अप शब्द प्रयोग गर्दै गाली गलौज गर्नुका साथै पत्रकारहरुलाई सडकमा नै कुटपिट गर्ने धम्की दिएको भन्दै नेपाल पत्रकार महासंघले प्रेस बिज्ञप्ति जारी गरेको छ । नेपाल पत्रकार महांसंघ बागमती प्रदेशका प्रदेश सदस्य तथा अन्नपुर्णटाइम्स डट.कम अनलाइनका सह–सम्पादक ज्ञानु श्रेष्ठलाई अपशब्द प्रयोग गर्दै गालीगलौज गर्नुका साथै पत्रकारहरुलाई सडकमानै कुटपिट गर्ने सम्मको धम्कि दिएको घटना प्रति नेपाल पत्रकार महासंघले ध्यानआर्कषण गर्दै प्रेस बिज्ञप्ती जारी गरेको हो । नेपाल पत्रकार महांसंघले उक्त घटना प्रती जिल्ला प्रशासन कार्यालय रामेछाप र जिल्ला प्रहरी कार्यालय रामेछापलाई उचित छानविन गरी कानुनी कारवाहिको लागि आग्रह समेत गरेको छ ।
रामेछाप नगरपालिका–६ स्थित जनकल्याण मा.बिका शिक्षक ख्यानबहादुर श्रेष्ठले नेपाल सरकार स्वास्थ्य मन्त्रालयले २०७८ जेष्ठ २५ र २६ गते ६२ देखि ६४ बर्ष उमेर समुहका जेष्ठ नागरीकहरुका लागि लगाउने भनेको कोरोना खोप दुरुपयोग भएको विषयलाई लिएर च्यास्कु खोप केन्द्रबाट सरकारी मापदण्ड बिपरीत खोप लगाउदै गरेको तस्बीर शिक्षक आफैले सामाजिक सञ्जालमा हालेको, सो तस्बीर सहित खोप दुरुपयोग भएको भन्ने समाचार बिभिन्न सञ्चार माध्यमबाट प्रकासित भएको र सो मध्ये अन्नपुर्णटाइम्स अनलाइनमा प्रकाशित भएको बिषयलाई लिएर नेपाल पत्रकार महांसंघ बागमती प्रदेश सदस्य तथा उक्त अनलाइनका सह–सम्पादक ज्ञानु श्रेष्ठ माथि निज शिक्षक ख्यानबहादुर श्रेष्ठले अपशब्द प्रयोग गर्दै गालीगलौज गर्नुका साथै पत्रकारहरुलाई सडकमानै कुटपिट गर्ने सम्मको धम्कि दिएको घटना प्रति नेपाल पत्रकार महासंघ रामेछापको ध्यान आर्कषण प्रेस बिज्ञप्तिमा उल्लेख गरेको छ ।
नेपालको प्रेस स्वतन्त्रता र नागरिकले सु–सुचित हुन पाउने हकको सुनिश्चितताको लागि पत्रकारहरुले समाजका विभिन्न विषयमा कलम चलाउदा निन्दा व्यहोर्न पर्ने, गालीगलौज र कुटपिट सम्मको धम्की खानु निन्दनिय विषय हो । पत्रकारहरुले वनाएका कुनैपनि समाचार चित्त नवुझेमा कानुनी बाटो अवलम्बलन गर्नुको साटो व्यक्तिगत रुपमा तल्लो स्तरको गालीगलौज र कुटपिट गर्ने सम्मको धम्की दिनु, समग्र पत्रकार र पत्रकारीता पेशालाई नै अपमानित तथा अमर्यादित शव्दले लान्छाना लगाउनु र समाजको सर्बैसर्बा आफुनै हो भन्ने किशिमको व्यवहार जिम्मेवार शिक्षकबाट हुनुले स्वतन्त्र प्रेसको खिल्ली उडाउने काम भएको भन्दै पत्रकार महांसंघले त्यसको प्रेस बिज्ञप्ति मार्फत बिरोध समेत गरेको छ ।
नेपाल पत्रकार महासंघले पत्रकारलाई धम्की दिने शिक्षक ख्यानवहादुर श्रेष्ठ माथि उचित छानविन गरी कानुनी कारवाहिको लागि जिल्ला प्रशासन कार्यलय र जिल्ला प्रहरी कार्यालयको ध्यानाकर्षण समेत गराएको छ । साथै लक्षित वर्गका लागि प्राप्त खोपको दुरुपायोग गर्ने कार्यको समेत छानविन गरी दोषि उपर कारवाहि गर्नुका साथै भविष्यमा यस प्रकारका घटना घटन नदिनका लागि समेत प्रेस बिज्ञप्ति मार्फत आग्रह गरेको छ ।
अन्त्यमा समाचार लेखेको विषयलाई लिएर पत्रकारलाई यस प्रकारका निन्दनिय कार्य गर्ने जो कोहिको कुनैपनि हर्कतका विरुद्ध सम्पूर्ण पत्रकारहरु एकतावद्ध भएर कानुनी लडाईमा लाग्ने र पेशागत मर्यादामा कुनैपनि आँच आउन नदिने कुरामा द्ढ रहेको व्यहोरा स्मरण गराउन चाहन्छौं ।
