रामेछाप । जिल्लामा रहेर बिगत लामो समयदेखी पत्रकारीताको क्षेत्रबाट जैविक विविधताको संरक्षण गर्दै जलवायु परिर्वतनको असरहरु न्युनिकरणका बिषयमा योगदान पुर्याएको प्रति उच्च कदर गर्दै कान्तिपुर टेलीभिजन रामेछापका जिल्ला प्रतिनिधि दीपक भट्टलाई आइतबार एक कार्यक्रको बिच नगद ५ हजार रुपैयाँ सहित प्रशंसा–पत्रले सम्मानित गरिएको छ ।
सम्मानित भट्ट २०५३ सालदेखी निरन्तर रुपमा रामेछापमा रहेर पत्रकारीता क्षेत्रमा कार्यरत रहेका छन् । बातावरण परियोजनाले वातावरण संरक्षणको क्षेत्रमा कलम चलाउने अर्का पत्रकार गोरखापत्र दैनिकका जिल्ला प्रतिनिधि नबराज श्रेष्ठलाई पनि नगद ५ हजार रुपैयाँ र प्रशंसा–पत्रले सम्मानित गरेको छ ।
त्यसैगरी परियोजनाले सन् २०२० मा वातावरण संरक्षणका क्षेत्र अन्र्तगत फोहोर व्यवस्थापनमा योगदान गरेको भन्दै रामेछाप सहयोगी मन (रासम), सिद्धेश्वर बालक्लव सालु र सामुदायिक वन संरक्षणमा योगदान पुर्याउने सानिमदौ सामुदायिक वनलाई नगद ७ हजार रुपैयाँ सहित प्रशंसा–पत्रले सम्मान गरेको हो ।
रामेछापमा संचालित वातावरण संरक्षण परियोजनाले सन् २०२० मा सञ्चालन गरेको कार्यक्रमको समिक्षा तथा आगामी वर्षमा गरिने कार्यक्रमको सुझाव संकलनको लागि आइतवार मन्थली नगरपालिकाको सभाहलमा आयोजना गरेको कार्यक्रममा पत्रकार, सहयोगी संस्थालाई सम्मानित गरेको हो ।
त्यसैगरी सोही कार्यक्रममा कृषि र वन क्षेत्रमा योगदान गर्ने कठजोरका रमेशकुमार अधिकारी, हात्तिटारका गणेशवहादुर माझी, होम माझी, रुपा सुवेदी, माछा पालनमा योगदान गर्ने लक्ष्मण श्रेष्ठ र खानेपानीको मुहान संरक्षण क्षेत्रमा योगदान गर्ने रामनारायण श्रेष्ठलाई नगद ५ हजार रुपैयाँ सहित प्रशंसा–पत्रले सम्मानित गरिएको छ ।
वातावरण संरक्षणका क्षेत्रमा योगदान गर्नेहरुलाई सम्मान गर्दै मन्थली नगरपालिकाका प्रमुख रमेशकुमार बस्नेतले जिल्लामा संचालित वातावरण परियोजनाले स्थानिय सरकारसँग समन्वय गरेर काम गरेको बताए । उनले आगामी दिनमा पनि परियोजनाले कुनै पनि राजनितिकको आडमा नबसी काम गर्न आग्रह गरे ।
वातावरण संरक्षण परियोजनाले मन्थली नगरपालिकाको वडा नं. १ देखी ६ सम्म र रामेछाप नगरपालिकाको वडा नं ७,८ र ९ मा संञ्चालित कार्यक्रमलाई थप प्रभावकारी के–कसरी बनाउन सकिन्छ भन्ने उद्धेश्यले यो कार्यक्रमको आयोजना गरिएको वातावरण संरक्षण परियोजनाका व्यवस्थापक मिलनकुमार घिसिङ्गले जानकारी दिए । उनले भने– परियोजनाले वातावरण संररक्षणको लागि अन्य बिभिन्न कार्यक्रमहरु सँगै नागरिक सचेतना सम्वन्धी अभिबृद्धि कार्यक्रम समेत सँगसँगै लैजाने बताए ।
कार्यक्रममा परियोजनाका संयोजक दीपक चौलागाईले सन् २०२० मा परियोजनाले मन्थली र रामेछाप नगरपालिकामा गरेका कार्यक्रमको उपलव्धी र भाबि दिनमा गर्ने कार्यक्रमको बिषयमा जानकारी गराएका थिए ।
