रामेछाप । रामेछापको मन्थली नगरपालिका– ९ पुरानागाउँमा रहेको स्थानापति महादेब मन्दीर पर्यटकको गन्तब्य बन्दै गएको छ । स्थापनापाति मन्दीरमा अहिले पर्यटक र भक्तजनको भिड लाग्ने गरेको छ । स्थानापति मन्दीरमा अहिले दैनिक सयौंको संख्यामा भक्तजन र पर्यटकहरु आउने गरेका छन् ।
विशेष पर्वको अवसरमा त झन भक्तजन र पर्यटकको भिडनै लाग्ने गरेको छ । जिल्लाकै ऐतिहासिक धार्मिक तथा पर्यटकीय स्थल थानापति मन्दिरमा शिवरात्रिको अवसरमा शनिबार हजारौको संख्यामा आएका थिए । काठमाडौँको पशुपतिनाथ र हलेसी महादेवपछि नेपालको तेस्रो तथा पूर्वको दोस्रो पशुपतिनाथको रूपमा मानिने स्थानापति महादेवको मन्दिर रामेछाप जिल्लाकै पर्यटकीय गन्तव्यमध्ये एक हो ।
प्रत्येक वर्षको हरितालिका तीज, ठुलो एकादशी र महाशिवरात्रि जस्ता पर्वहरूमा भक्तजनहरूको घुइँचो लाग्ने थानापनि मन्दिर विकास समितिका अध्यक्ष राजकुमार बोहराले बताए । उनले भने दैनिक जिल्ला भित्र र बाहिरबाट भक्तजन र पर्यटक हरु आउने गर्छन तर विशेष पर्वको अवसरमा भडे भिड्नै लाग्ने गर्दछ ।
बोहराका अनुसार सिन्धुली, सर्लाही, महोत्तरी, ओखलढुङ्गा, काभ्रे, रौतहट, झापा, बिराटनगर, दोलखा सहित काठमाडौँ जिल्लाबाट समेत दर्शनार्थीहरु आउने गर्दछ ।
स्थानीयका अनुसार तीन सय वर्षभन्दा पनि पुरानो थानापति महादेव मन्दिरमा गई पूजा आराधना गरी ठुलो स्वरले वरदान माग्दा मागेको बर पाइने विश्वास छ । वैरा तथा बुढा महादेवको नामले परिचित यस महादेव मन्दिरमा वर माग्दा ठुलो स्वरले माग्नु पर्ने जनविश्वास छ । महादेव मन्दिरमा बस्तु थारो बस्दा ब्याओस् भनेर माग्ने तथा सन्तान नहुनेले सन्तान प्राप्तिको कामना गर्दै बर माग्ने चलन रहेको दर्शनका लागि मन्दिर आएका भक्तजनहरुलृ बताए । मन्दिरमा बस्तुको दाम्लो चढाएर त्यही दाम्लोले महादेवस्थान परिसरको ढुङ्गा डोहोर्याएर घरमा ल्याउँदा बस्तुभाउ फस्टाउने विश्वास रहेको छ ।