काठमाडौँ – भिसाको उद्देश्य विपरीत नेपालमा बस्दै मुस्लिम धर्म प्रचारप्रसारमा संलग्न इन्डोनेसियाली तीन महिला अध्यागमन विभागको नियन्त्रणमा परेका छन्।
सन् २०२४ मा अध्ययन भिसा लिएर नेपाल प्रवेश गरेकी एक महिलाले ललितपुरको धोबीघाटमा ‘हिमालय शिक्षा तथा हितेशी समाज’ नामक संस्थामा गर्ल्स होस्टेल सञ्चालन गर्दै तीन जना इन्डोनेसियाली महिलाहरूलाई शिक्षकको रूपमा राखी टर्की र कुरान भाषा सिकाउने र मुस्लिम धर्मको प्रचार गर्ने गरेको खुलेको हो।
अध्यागमन विभागका अनुसार उनीहरूले टर्कीस्थित ‘साहा एगीटम कुलटुर भी दुस्टुलुक डेरनेगी साह इन्टरनेशनल’ र यूकेको धर्म प्रचारक संस्थाबाट प्रत्येक वर्ष करिब २ करोड ५० लाख रुपैयाँ प्राप्त गरेर नेपालमा धर्म प्रचारको काम गर्दै आएका थिए। अध्यागमनले घटनाको थप अनुसन्धान जारी राखेको छ।
