काठमाडौँ ः प्रतिनिधिसभाको आजको बस्ने भनिएको बैठक स्थगित भएको छ । आज दिउँसो १ बजेको लागि बोलाइएको बैठक भोली सम्मको लागी स्थगित गरिएको छ । भोलि दिउँसो १ बजेसम्मको लागि स्थगित बैठक स्थगित गरिएको छ ।
गैर कानुनी रूपमा नेपालमा सुन भित्रिएको विषयमा छानबिन समिति गठन गर्न माग गर्दै नेकपा एमालेले सदन अवरुद्ध गर्ने तयारी गरेपछि बैठक बस्दै नबसी स्थगित भएको हो ।
यसअघि साउन १० गते बसेको बैठक पनि एमालेकै अवरोधका कारण स्थगित भएको थियो । आज सदन चलाउने विषयमा एमाले अध्यक्ष केपी शर्मा ओली र प्रधानमन्त्रीबिच छलफल भएको थियो तर सहमति हुन नसकेपछि एमालेले सदन अवरोध गर्ने अडान कायमै राखेको थियो ।
