रामेछाप । नेपाली काँग्रेस निकट नेपाल विद्यार्थी संघ रामेछापले जिल्ला प्रशासन कार्यालय रामेछापमा सोमबार ज्ञापन पत्र बुझाएको छ । प्रमुख जिल्ला अधिकारी अनिता निरौलाले २०६२÷०६३ को जन आन्दोलन लगायत विभिन्न सङ्कटकालको समयमा समेत निषेधाज्ञाका नगरिएको क्षेत्रमा एक्कासि निषेधाज्ञा जारी गरेपछि नेपाल विद्यार्थी संघ रामेछापले प्रजिअ निरौलालाई २४ घण्टा भित्र निषेधाज्ञा जारी गर्ने निर्णय फिर्ता लिन आग्रह गरेको छ । यदि २४ घण्टा भित्र निषेधाज्ञा फिर्ता गर्ने जिल्ला प्रशासन कार्यालयले निर्णय नगरे नेपाल विद्यार्थी संघ आन्दोलनमा उत्रने चेतावनी दिएको छ । जिल्ला प्रशासनको यो कदमले मन्थली हुँदै लुक्ला जान आउने वैदेशिक पर्यटकलाई समेत असर गर्ने र मन्थली बजारको व्यवसाय समेत धरा सय हुन सक्ने  नेविसंघले बताएको छ ।

सोमबार नेपाली काँग्रेस जिल्ला पार्टी सचिव दीपक खड्का सहित नेविसंघ जिल्ला अध्यक्ष विनोद बुढाथोकीको नेतृत्वमा लिखित ज्ञापन पत्र सही प्रशासन कार्यालयमा पुगेको नेविसंघ टोलीले प्रशासन कार्यालयले शान्ति पूर्ण रहेको मन्थली बजार क्षेत्रमा निषेधाज्ञा गर्नु पनि कुनै कारण नै नरहेको बताएका छन् ।

नेविसंघका अध्यक्ष विनोद बुढाथोकी द्वारा हस्ताक्षरित उक्त विज्ञप्तिमा शान्तिपूर्ण स्थान र अवस्थामा  पनि प्रजिअले निषेधाज्ञा लागू गरेर  आफ्नो अधिकारको दुरुपयोग गरेको र यसबाट रामेछापमा ‘कमजोर’ प्रशासन छ भन्ने र यस खालको निर्णयले सिङ्गो गृह प्रशासनकै ब्यईजति भएको कुरालाई पनि सम्बोधन गरेको छ । यसरी विना कारण प्रशासनले निषेधाज्ञा लगाएर संविधानले दिएको नेपाली नागरिकहरूको खुल्ला रूपमा हिँडडुल गर्न र भेला हुन पाउने अधिकारको समेत पूर्ण रूपमा हनन भएको भन्दै उक्त निर्णयलाई तत्काल फिर्ता लिन पनि उक्त विज्ञप्त मार्फत भनिएको  छ । 

जिल्ला प्रशासन कार्यालय रामेछापले जिल्ला सुरक्षा समितको बैठक राखी माघ १४ ( आइतबार) देखि २ महिना सम्मका लागू हुने गरी मन्थली बजार स्थित राष्ट्रिय वाणिज्य बैङ्क देखि जिल्ला प्रशासन कार्यालय हुँदै कृषि विकास बैङ्क जाने सडक र त्यस सडकको ५० मिटर वरपरको क्षेत्रमा ५ जना भन्दा बडीमा भेला, धर्ना, घेराउ, अनसन र विरोध प्रदर्शन गर्न तर्पाइने भनी लिखित आदेश  जारी गरेको थियो ।