रामेछाप । जिल्ला प्रहरी कार्यालय रामेछापको एक वर्षे बसाई सकेर सरुवा भएर जान लागेका प्रहरी नायव उपरिक्षक बसन्त पाठकले जिल्लामा जागिर खान आउने प्रहरी प्रमुखको जन्मकुण्डली नखोज्न जिल्लाका राजनितिक दलका नेताहरुलाई आग्रह गरेका छन् ।
सो कुरा उनले बिहिबार जिल्ला प्रहरी कार्यालयमा आयोजना गरेको पत्रकारहरुको सगँको भेटघाट कार्यक्रममा बताएका हुन् । जिल्लामा सरुवा भएर आउने बित्तिकै सबै राजनितिक दलका नेतालाई कुन पार्टीको मान्छे हो भन्दै जन्मकुण्डली खोज्न थाल्ने प्रबृत्ति बढेकाले यसतर्फ नलाग्न अनुरोध गरेका छन् ।
जिल्लाको जिम्वेवारी लिएर आएपछि प्रहरी प्रमुख पार्टीगत रुपमा लागेर काम गर्ने हैन् । नागरिकको सुरक्षाको प्रत्याभूती दिन आउने जो सुकै प्रहरीले त्यहीँ अनुसार काम गर्ने भएकाले कुनै पनि राजनितिक दलका नेताहरुले प्रहरी कुन पार्टी वा गुटको हो भनेर खोज्नु भन्दा बरु उसले कस्तो काम गर्यो, नागरिक मैत्री काम गर्न सको वा सकेन भनेर त्यस बिषयमा टिप्पणी गर्न र गलत भएको ठाउँमा सचेत गराउँनु राम्रो हुने प्रमुख पाठकले जानकारी दिए ।
आफ्नो एकवर्षे रामेछाप बसाईको क्रममा जिल्लाका संचार जगत र नागरिक समाजबाट धेरै कुरामा प्रेरणा प्राप्त गर्न सफल भएकोले यसलाई अन्य जिल्लामा बस्दा पनि लागु गर्ने बताए । प्रहरी प्रमुख पाठक शुक्रबारबाट विधिबत रुपमा जिल्लाबाट विदाई भएर अन्तराष्ट्रिय विमानास्थल काठमाडौ सरुवा भएर जान लागेका हुन् ।
२०७६ साल पुस २३ गते रामेछाप प्रहरी प्रमुखको जिम्मेवारी लिएदेखी आफ्नो कार्यकालमा भएका कामको प्रस्तुति र समिक्षा सहित स्थानिय संचारमाध्यमका प्रतिनिधिहरुसंँग विदाई साक्षत्कार गर्नै उदेश्यले आयोजित पत्रकार भेटघाटमा प्रमुख पाठकले आफुले जिल्ला प्रवेश गरेसंगै कोभिड महामारीको सामना गर्नु परेको भएता पनि समग्रमा आफुले आफनो कार्यकाललाई नागरिक मैत्रीपूर्ण काम गरेको दाबा गरे ।
सो क्रममा पाठकले आफनो कार्यकालमा जिल्लाको शान्तिसुरक्षा, अमन चयन, महिला हिंसा, मानबअधिकार, अपराध न्युनिकरण र प्रहरीसँग जोडिएका अन्य क्षेत्रलाई पनि कानूनको पावन्दीमा रहेर निष्पक्ष निर्विबाद बनाउने प्रयाश गरेको बताए ।
पत्रकार सम्मेलनमा सहभागी सबैजसो संचारमाध्यमका प्रतिनिधिहरुले जिल्लामा एक वर्षको विचमा प्रहरीबाट भए गरेका कामहरु मध्ये महिला प्रहरी सेलको भूमिका अलि कमजोर भएकाले यसलाई बढावा दिन आग्रह गरेका थिए । जिल्ला प्रहरी कार्यालय रामेछापमा शुक्रवार नै नयाँ प्रहरी प्रमुखको आगमन हुने जिल्ला प्रहरी कार्यालय रामेछापले जनाएको छ ।