काठमाडौं । प्रधानमन्त्री केपी शर्मा ओलीलाई संसदबाट विश्वासको मत लिनुपर्ने आदेशको माग गर्दै सर्वोच्च अदालतमा दर्ता भएको रिटमा आज सुनुवाइ हुने भएको छ ।
अधिवक्ता वीरेन्द्र केसीले बिहीबार सर्वोच्च अदालतमा रिट निवेदन दर्ता गरेका हुन् । उक्त रिटमा प्रधानमन्त्री ओलीसहित प्रधानमन्त्री तथा मन्त्रिपरिषद् कार्यालय, सभामुख देवराज घिमिरे, सङ्घीय संसद् सचिवालय र राष्ट्रपति कार्यालय शीतल निवासलाई विपक्षी बनाइएको छ ।
जनता समाजवादी पार्टी, नेपालले गत ३२ असार, २०८२ मा सरकारलाई दिएको समर्थन फिर्ता लिएको घोषणा गरेसँगै प्रधानमन्त्रीले विश्वासको मत लिनुपर्ने बाध्यता उत्पन्न भएको भन्दै रिट दर्ता गरिएको हो । यस विषयमा आज सर्वोच्च अदालतमा पेसी तोकिएको छ र अदालतले के आदेश दिने भन्नेबारे चासो बढेको छ ।
