काठमाडौं । नेपालमा अबको प्रधानमन्त्री नेकपाका नेता प्रचण्ड की देउबा भन्नेमा बहस शुरु भएको छ । सर्वोच्च अदालतले प्रतिनिधिसभा पुनःस्थापना गरिदिएसँगै अब नेपालमा नयाँ सरकारका लागी प्रधानमन्त्रीको पनी चर्चा शुरु भएको छ । नयाँ सरकार निर्माणका लागि प्रधानमन्त्री केपी शर्मा ओलीले सहज निकास दिन्छ कि दिँदैन भनेर पनि बहस शुरु भएको छ ।
प्रधानमन्त्री केपी शर्मा ओली सामु नैतिक प्रश्न त खडा भएको छ । आफ्नो कदम अदालतले असंवैधानिक ठहर गर्दै बदर गरिदिएपछि ओलीले तत्काल राजीनामाको बाटो प्रयोग गर्नुपर्ने हो । तर ओलीले संसद फेस गर्ने र अविश्वासको प्रस्ताव सामना भनि सकेको छ । ओलीनिकट नेता सुवास नेम्वाङले फैसलाको पूर्णपाठ हेरेर मात्रै यसबारे बताउने जानकारी दिए ।
अब प्रधानमन्त्रीले निकास दिए पनि नदिए पनि नेकपाको विभाजित समूह प्रचण्ड–माधवकुमार नेपालले पनि सरकार गठनका लागि राजनीतिक कोर्स अघि बढाइसकेका छन् ।
प्रचण्ड–नेपाल समूहका एक नेताले अब बन्ने सरकार सर्वपक्षीय हुने जानकारी दिए । प्रमुख प्रतिपक्षी दल नेपाली कांग्रेसलाई समेत विश्वासमा लिएर अबको सरकार गठन गर्ने उनको भनाइ रहेको छ । त्यसका लागि प्रचण्ड माधब समुहले अहिले संसद सचिवालयमा पेस गरिएको अविश्वासको प्रस्ताव फिर्ता लिने पनि तयारी गरेका छन् ।
नेकपाका एक प्रभाब शाली नेताका अनुसार अहिले पेस गरिएको अविश्वासको प्रस्ताव फिर्ता लिएपछि प्रचण्ड–नेपाल समूहले कांग्रेस समेतलाई विश्वासमा लिएर प्रधानमन्त्री केपी ओलीविरुद्ध संसदमा अविश्वासको प्रस्ताव पेस गर्नेछ । नेकपा विभाजित भएपछि प्रचण्ड–नेपाल समूहसँग ९२ सांसद छन् ।
अविश्वासको प्रस्ताव पेस गर्दा उनीहरूसँग ९२ जनाको हस्ताक्षर थियो । त्यसमा केही मन्त्रीको हस्ताक्षर बाँकी थियो । त्यसमध्ये केही ओलीतिर लागेका छन् । केही फर्किएका पनि छन् । संसद् पुनःस्थापना भएपछि ओलीतिरबाट १५ जनाभन्दा बढी सांसद फर्कने माधब प्रचण्ड समुहको विश्वास छ । त्यसो गर्दा प्रतिनिधिसभामा रहेका १७४ मध्ये १०० भन्दा बढी सांसद प्रचण्ड–माधव नेपाल पक्षसँग हुनेछन् । सरकार बनाउन ३८ मत आवश्यक हुन्छ । ओली पक्षबाट अरू दुई–चार जना सांसद तानेर र साना दललाई विश्वासमा लिएर सरकार गठन गर्ने बाटो त छ । तर, ओलीतिरबाट अहिले नै सांसदहरू फर्किइहाल्ने विश्वासमा प्रचण्ड–नेपाल छैनन् । तसर्थ पहिलो विकल्प कांग्रेस लाई विश्वासमा लिएर ओलीविरुद्ध अविश्वासको प्रस्ताव दर्ता गर्ने र कांग्रेसको समर्थनमा सरकार गठन गर्ने विषयमा छलफल चलाउने प्रचण्ड–नेपाल पक्षको योजना छ ।
त्यस्तै गरी ओली पक्षले पनि आफ्नो तयारी थालिसकेको छ । प्रधानमन्त्री निकट स्रोतका अनुसार जुनसुकै मूल्य चुकाएर भए पनि सरकारको नेतृत्व प्रचण्ड–माधवकुमार नेपाललाई गर्नै नदिने योजनामा ओली रहेको छ । राष्ट्रिय युवा संगठनले मंगलबार आयोजना गरेको शपथ कार्यक्रममा प्रधानमन्त्री ओलीले प्रचण्ड र माधव नेपाल कुनै हालतमा प्रधानमन्त्री बन्ने सम्भावना नरहेको बताएका छन् । प्रधानमन्त्री ओलीका प्रेस सल्लाहकार सूर्य थापाले पनि प्रधानमन्त्रीले अहिले तत्काल राजीनामा नदिने बताएका छन् ।
पार्टी विभाजनपछि पनि ओली नेतृत्वको पार्टी दोस्रो ठूलो दल बन्ने सम्भावना रहेकाले सरकार बनाउन उसको भूमिका निर्णायक हुन्छ । ८० सांसद नघट्ने दाबी गर्दै देउवा र ओली मिलेर सरकार गठन गर्न मत पुग्ने वलीकोे विश्वास देखिन्छ । तर नेपाली काग्रेसले सरकार सञ्चालको विषयमा यती बेला सम्म केही पनी बोलेको छैन ।