काठमाडौं । प्रधानमन्त्री केपी शर्मा ओली पाँच दिने चीन भ्रमणमा प्रस्थान गरेसँगै कार्यवाहक प्रधानमन्त्रीको जिम्मेवारी उपप्रधान तथा शहरी विकासमन्त्री प्रकाशमान सिंहलाई दिइएको छ।
राष्ट्रपति कार्यालयले जारी गरेको विज्ञप्तिअनुसार, राष्ट्रपति रामचन्द्र पौडेलले प्रधानमन्त्री ओलीको सिफारिसमा सिंहलाई कार्यवाहक प्रधानमन्त्री तोकेका हुन्। यसअघि पनि प्रधानमन्त्री ओली विदेश भ्रमणमा जाँदा सिंहले नै कार्यवाहकको भूमिका निर्वाह गर्दै आएका छन्।
प्रधानमन्त्री ओली सांघाई सहयोग संगठन (एससीओ) शिखर सम्मेलनमा सहभागी हुन आज बिहान चीन प्रस्थान गरेका हुन्। उनले भदौ १८ गते बुधबारसम्मका लागि चीनमा रहने कार्यक्रम छ।
