काठमाडौं । आगामी फागुन २१ मा तय भएको निर्वाचन तयारीलाई थप प्रभावकारी बनाउन प्रधानमन्त्री सुशीला कार्कीले निर्वाचन आयोगमा दर्ता भएका सबै राजनीतिक दलका नेताहरूसँग आज संयुक्त छलफल गर्न लागेकी छिन्।
प्रधानमन्त्री कार्यालय सिंहदरबारमा आज अपराह्न ४ बजेका लागि दलका शीर्ष नेताहरूलाई निमन्त्रणा गरिसकिएको प्रधानमन्त्री कार्कीका सचिवालयले जानकारी दिएको छ।
हाल दल–पंजीकरणको प्रक्रिया तीव्र गतिमा चलिरहेका बेला निर्वाचनमा सक्रिय सहभागिता सुनिश्चित गर्न प्रधानमन्त्रीले सबै दलसँग एकैस्थानमा बसेर छलफल गर्न लागेकी हुन्।
यसअघि उनले विघटित प्रतिनिधि सभामा प्रतिनिधित्व गर्ने दलका नेताहरूसँग छुट्टाछुट्टै संवाद गरेकी थिइन्। त्यसैगरी हाल सक्रिय जेनजी समूहसँग पनि प्रधानमन्त्री कार्कीले पृथक बैठक गरेर निर्वाचनको वातावरण र आवश्यक तयारीबारे चर्चा गरेकी थिइन्।
