रामेछाप । राष्ट्रिय खेलकुद महासंघ नेपाल बागमती प्रदेशको आयोजनामा रामेछापमा भएको बागमती प्रदेश स्तरीय बलिबल प्रतियोगीताको उपाधि चितवनले हात पारेको छ ।
बुधवारदेखी रामेछापको सदरमुकाम मन्थलीमा भएको उक्त खेलकुद प्रतियोगीताको फाइनल खेल शनिवार भएको थियो । खेलुकद प्रतियोगीतामा भक्तपुर र ललितपुर वाहेक ११ जिल्लाका खेलाडीहरु सहभागी भएका थिए । फाइन खेलमा चितवले रामेछापलाई पहिलो,दोस्रो र तेस्रो सेटमा २५ –१८,२५–१८ र २५–२३ ले पराजित गरेको हो ।
खेलमा प्रथम हुने चितवनको टिमले प्रथम पुरस्कार बापत रु. २ लाख नगद सहित ट्रफी, मेडल र प्रमाणपत्र पाएको छ । त्यस्तै द्धितिय हुने रामेछापका खेलाडीले नगद १ लाख सहित ट्रफी, मेडल र प्रमाणपत्र प्राप्त गरेका छन् भने तृतीय स्थान हासिल गर्ने सिन्धुपाल्चोकका खेलाडीले नगद ५० हजार सहित ट्रफी, मेडल र प्रमाणपत्र प्राप्त गरेका छन् । त्यस्तै सान्तवना पुरस्कार धादिङ्ग जिल्लाका खेलाडीले ३० हजार नगद प्राप्त गर्न सफल भएका छन् ।
बिजेता खेलाडीहरुलाई नेकपा एमालेका नेता एवं पूर्व मन्त्री भानुभक्त ढकालले हस्तान्रण गरेका छन् । कार्यक्रमको उद्घाटन नेकपा एमालेका केन्द्रीय सचिव गोकर्ण बिष्टले गरेका थिए भने कार्यक्रमका समापन ढकालले गरेको राष्ट्रिय खेलकुद महासंघ नेपाल बागमती प्रदेश कमिटीका अध्यक्ष सिताराम कार्कीले जानकारी दिए ।
