जेनजी आन्दोलनमा १९ जना युवालाई प्रहरीले गोली हानेर मारेपछि आक्रोषित आन्दोलनकारीले विभिन्न पार्टीका नेताहरुको घरलाई निशाना बनाएका छन् । यसै क्रममा आन्दोलनकारीले नेकपा माओवादी केन्द्रका अध्यक्ष पुष्पकमल दाहाल प्रचण्डको घरमा तोडफोड गरी आगजनी गरेका छन् । आन्दोलनकारीले प्रचण्डको निवास ललितपुर खुमलटारमा पुगेर ढुँगामुढाका साथै आगजानी गरेको प्रहरीले जनाएको छ ।
प्रदर्शनकारीहरूले सरकारका प्रवक्ता एवं सञ्चार तथा सूचना प्रविधिक मन्त्री पृथ्वी सुब्बा गुरूङको निवासमा पनि आक्रमण गरेका थिए । आक्रमणसँगै आगजनी गरेको भएपनि आगो नियन्त्रणमा आइसकेको प्रहरीले जनाएको छ । जिल्ला प्रहरी परिसर काठमाडौंका प्रवक्ता अपिल राज बोहराका अनुसार प्रदर्शनकारीहरूले प्रयाजसो सबै स्थानमा प्रदर्शन गरिरहेको जानकारी दिएका छन्। उनका अनुसार प्रधानमन्त्री निवास र कांग्रेस सभापति निवासमा पनि आन्दोलनकारीले प्रदर्शन गरिरहेका छन् ।
