राष्ट्रिय स्वतन्त्र पार्टीका सांसद विश्वराज पोखरेलले ओखलढुंगामा भएको विवादास्पद व्यवहार र अभिव्यक्तिबारे सार्वजनिक रूपमा क्षमायाचना गर्नुभएको छ। शुक्रबार जारी विज्ञप्तिमा उहाँले सामाजिक सञ्जालमा प्रसारित भिडियोले घटनाको पूर्ण सन्दर्भ नसमेट्दा गलत सन्देश गएको उल्लेख गर्नुभएको छ।
संघीय संसद् बैठक स्थगित भएका बेला जिल्लावासीसँग भेटघाट तथा स्थानीय सेवाको अवस्थाबारे जानकारी लिन विद्यालय पुग्ने क्रममा उक्त घटना भएको जनाउँदै उहाँले सार्वजनिक जीवनमा आफ्नो बोली, व्यवहार र संयम उच्चस्तरको हुनुपर्ने स्वीकार गर्नुभएको छ।
आफ्नो अभिव्यक्ति वा व्यवहारबाट कसैको आत्मसम्मान, भावना वा मर्यादामा चोट पुगेको भए क्षमा प्रार्थना गर्दै उहाँले आगामी दिनमा अझ संयमित, जिम्मेवार र मर्यादित भएर जनताको सेवामा समर्पित रहने प्रतिबद्धता व्यक्त गर्नुभएको छ
