अनिता मानन्धर
पोखरा । प्याराग्लाइडिङ प्रशिक्षणको क्रममा पोखरामा एक जनाको दुर्घटनामा परी मृत्यु भएको छ । नेपाली सेनाले सञ्चालन गरेको प्याराग्लाइडिङ तालीमको क्रममा दुर्घटनामा परी नेपाली सेनाका एक जवानको मृत्यु भएको हो ।
सेनाले पोखरामा सञ्चालन गरिरहेको प्याराग्लाइडिङ तालिमका क्रममा सोमबार दिउँसो २ः१५ बजे फेवातालमा खसेका धादिङ नीलकण्ठ नगरपालिका घर भएका सैनिक जवान २३ वर्षीय राजाराम मगरको साँझ उपचारका क्रममा मृत्यु भएको जिल्ला प्रहरी कार्यालयका प्रवक्तासमेत रहेका प्रहरी नायब उपरीक्षक सुवास हमालले जानकारी दिए ।
उनका अनुसार दुर्घटनालगत्तै सेना र सशस्त्र प्रहरीले मगरलाई उद्धार गरी पोखरा–११ रानीपौवास्थित सैनिक अस्पताल पु¥याएकामा उपचारका क्रममा साँझ ४ः४५ बजे निधन भएको हो ।
मृतक मगर सेनाको कालीजङ्ग गणमा कार्यरत रहेका थिए । मृतकको शव सैनिक अस्पतालमा नै रहेको र परिवारका सदस्य आएपछि बुझाइने प्रहरीले जनाएको छ ।
