रामेछाप । रामेछाप जिल्लाको खाँडादेवी गाउँपालिका वडा नं–५ पकरबासका ५३ जना महिलाहरुको निःशुल्क भिडियो एक्स–रे तथा स्वास्थ्य परिक्षण गरिएको छ ।
अस्पताल तथा स्वास्थ्य सेवामा कम पहुँच भएका पाठेघर सम्बन्धी समस्याबाट पिडित ग्रामिण महिलाहरुलाई लक्षित गरी संचालन गरिएको उक्त स्वास्थ्य शिविरमा पाठेघरमा समस्या भएका ५३ महिलाको निःशुल्क भिडियो एक्स–रे गरिएको हो । शिविरमा स्वास्थ्य परिक्षणका लागि आएका महिला मध्ये केहि महिलालाई पथ्थरी भएको पाइएको स्वास्थ्य परिक्षण गर्न गाउँमा पुगेका डा.सुमन कर्माचार्यले बताए ।
तामाकोसी अस्पतालको प्राविधिक सहयोग तथा स्थानीय त्रिशक्ति महिला समाजको आयोजनामा सम्पन्न उक्त शिविरमा खाँडादेवी गाउँपालिकाको वडा नं–४ र ५ का महिलाहरुले सेवा लिएको संस्थाकी सचिव शैलजा ढुंगेलले जानकारी दिइन । उक्त संस्थाले यस अघि पनि गाउँमा महिला शशक्तिकरणका लागि आयआर्जन तथा सचेतनामुलक कार्यक्रमहरु संचालन गर्दै आएको छ । महिलाहरुका समस्यामा केन्द्रिय यो संस्थाले आगामी दिनहरुमा पनि स्वास्थ्य शिविर, आयआर्जन तथा महिलाको शशक्तिकरणका लागि विभिन्न कार्यक्रमहरु संचालन गर्ने योजना रहेको संस्थाले जनाएको छ ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
