रामेछाप । फ्रान्स सरकारले नेपाल सरकारलाई दिएको कोरोना महामारी विरुद्धका स्वास्थ्य सामाग्री नेपाल आइपुगेको छ । फ्रान्स सरकारले दिएको उक्त सामाग्री लिएर बिशेष जहाज बुधवार काठमाण्डौं आइपुगेको छ । फ्रान्सले दिएको ती स्वास्थ्य सामाग्रीहरु नेपालका लागि फ्रान्सका राजदूत फ्रान्कोइस् जाभियर लेजरले त्रिभुवन अन्तराष्ट्रिय विमानस्थलमा नेपालका स्वास्थ्य तथा जनसंख्या मन्त्री ह्दयस त्रिपाठीलाई हस्तान्तरण गरेका छन् ।
फ्रान्स सरकारले ५ लाख ४ हजार मास्क, २० हजार एन्टीजेन किट र १२ हजार चस्मा लगाएतका सामाग्रीहरु नेपाल सरकारलाई पठाएको हो । फ्रान्सले पठाएको स्वास्थ्य सामाग्री बुझ्दै स्वास्थ्य मन्त्री त्रिपाठीले फ्रान्स सरकार र त्यहाँका नागरिकहरुलाई धन्दयवाद दिएका छन् । त्यस्तै स्वास्थ्य मन्त्री त्रिपाठीले फ्रान्स र युरोपेली युनियनलाई कोरोना विरुद्धको खोपको लागि सहयोगको लागि सहजीकरण गरिदिन समेत आग्रह गरेका छन् ।
