रामेछाप । नेपाल आदिवासी जनजाति पत्रकार महासंघ (फोनिज) रामेछापको ११ औं साधारण सभा तथा जिल्ला भेला सम्पन्न भएको छ । फोनिजको ११ औं साधारण सभा तथा जिल्ला भलामा बोल्दै प्रतिनिधी सभा सदस्य पुर्ण बहादुर तामाङ कान्छारामले आदिवासी जनजाति खोज पत्रकारिता पुरस्कार कोष स्थापना गर्न नगद ५१ हजार सहयोग गर्ने बताएका छन् । फोनिजका जिल्ला अध्यक्ष कुमार श्रेष्ठको अध्यक्षतामा भएको जिल्ला भेलामा बोल्दै कोष स्थापना गर्न स्वर्गीय बुबा शेरबहादुर तामाङको नाम बाट सहयोग गर्ने बताएका हुन् ।
कार्यक्रमा बोल्दै रामेछापको समग्र बिकासका लागी अफु लगाएत जिल्ला बाट प्रतिनिधित्व गर्ने प्रदेशका ५ जना प्रदेश सांसद र आफु एक ढिक्का भएर लागिपर्ने बताएका छन् । केन्द्रमा जे जस्तो अवस्था रहेपनि जिल्लाको विकासका लागी आफुहरु सबै संग सहकार्य गरेर अघि बढ्ने बताएका हुन । आफु बाट जिल्लाको नागरिकले ठुलो अपेक्षा गरेको भन्दै नागरिकको अपेक्षा पुरा गर्न आफु लागि पर्ने बताएका छन् । पत्रकारिता पेशालाई राजनिति संग नजोडी स्वतन्त्र रुपमा अघि बढ्न आग्रह गर्दै पत्रकारिता क्षेत्रको विकास गर्न आफु लागि पर्ने बताएका छन् ।
त्यस्तै गरि बागमती प्रदेशका प्रदेश सभा सदस्य आनन्द श्रेष्ठले पत्रकारिता पेशालाई स्वछ र मर्यादित बनाउन फोनिज लागि पर्नु पर्ने बताएका छन् । पत्रकारिता पेशा सहज नभएको भन्दै पत्रकारितामा लाग्दा सामाजिक भावनाले लागिपर्नु पर्ने बताए । पत्रकारले हरेक आन्दोलनमा महत्व पुर्ण भुमिका खेलेकोले पत्रकारिताको विकासको लागी आफु लागि पर्ने बताए । फोनिज र पत्रकारीता क्षेत्रको समग्र विकासको लागी के गर्न पर्छ आफु तयार रहेको बताएका छन् ।
त्यस्तै गरि मन्थली नगरपालिकाका नगर प्रमुख लब श्रेष्ठले फोनिजको संस्थागत विकासका लागी नगरपालिका सकारात्मक रहेको भन्दै आवश्यक सहयोग गर्ने बताएका छन् । त्यस्तै गरि फोनिज बागमती प्रदेश अध्यक्ष युबराज श्रेष्ठले रामेछाप फोनिजको संस्थागत विकासको लागी आफु सधै सकारात्मक रहेको भन्दै जनजातिको कला संस्कार र संस्कृतिको विषयमा पनि फोनिज लागी पर्नु पर्ने बताएका छन् ।
कार्यक्रममा नेपाली कांग्रेसका उपसभापती लेखबहादुर कार्की, नेकपा एमालेका उपसचिब प्रकाश कुमार कार्की, पत्रकार महासंघ बागमती प्रदेश सदस्य ज्ञानु श्रेष्ठ, पत्रकार महासंघ रामेछापका जिल्ला अध्यक्ष बद्रि नयाँघरे, पुर्व अध्यक्षहरु नवराज प्रर्थिक, हिमाल ढुङ्गेल, टिका प्रसाद भट्ट,फोनिज रामेछापका पुर्व जिल्ला अध्यक्षहरु युनिक विफा घिसिङ, सुमित श्रेष्ठ, नवराज श्रेष्ठ, लगाएत पेशागत संगठनका प्रमुखहरुले आफ्ना भनाई राखेका थिए ।
