रामेछाप । नेपाल आदिवासी जनजाती पत्रकार महासंघ (फोनिज) रामेछापको चौंथो अधिबेसनबाट अध्यक्षमा कुमार श्रेष्ठ निर्बिरोध निर्वाचित भएका छन् । बिहिबार मन्थलीमा सम्पन्न अधिबेशनले श्रेष्ठको अध्यक्षतामा ९ कार्यसमिती चयन गरेको होे ।
नयाँ कार्यसमितिको उपाध्यक्षमा निरोज श्रेष्ठ, सचिवमा शान्ता श्रेष्ठ, सह–सचिवमा दिपक लामा र कोषाध्यक्षमा सम्बर बहादुर हायु ‘प्रशान्त’ चयन भएका छन् । सदस्यहरुमा क्रमस रमेश तामाङ, रीता मगर, स्वतन्त्र मोक्तान र कर्मरिन्जी शेर्पा निर्वाचित भएको फोनिज रामेछापका अध्यक्ष श्रेष्ठले जानकारी दिए । त्यसै गरी अधिवेशनले केन्द्रीय पार्षदमा सुमित श्रेष्ठ, युनिक विफा घिसिङ, नवराज श्रेष्ठ, अनिता थापामगर र केन्द्रिय परिवेक्षकमा भने ज्ञानु श्रेष्ठलाइ चयन गरेको छ । प्रदेश पार्षदमा युवराज श्रेष्ठ, नवराज श्रेष्ठ र निशा मोक्तानलाई चयन गरेको छ ।
जिल्ला समन्वय समितिका प्रमुख प्रेम बहादुर खड्काको प्रमुख आतिथ्यता तथा फोनिज रामेछापका अध्यक्ष नबराज श्रेष्ठको अध्यक्षतामा भएको उद्घाटन कार्यक्रममा मन्थली नगरपालिकाका प्रमुख रमेशकुमार बस्नेत, प्रदेश प्रतिनिधी एवं जनजाती पत्रकार महासंघ बागमती प्रदेशका उपाध्यक्ष युबराज श्रेष्ठ, प्रमुख जिल्ला अधिकारी, दिपक कुमार पहाडी, नेपाल पत्रकार महासंघ बागमती प्रदेशका कोषाध्यक्ष रमेश ढुङ्गेल, नेपाल पत्रकार महासंघ रामेछापका अध्यक्ष बद्रि नयाँघरे, नेपाल आदिबासी जनजाती महासंघ जिल्ला समन्य समितीका अध्यक्ष श्रीबहादुर माझी, समाजवादी पत्रकार माहासंघका केन्द्रिय सदस्य कैलाश खत्री,नेपाल प्रेस युनियन रामेछापका अध्यक्ष अप्रिल अधिकारी,प्रेस चौतारी रामेछापका अध्यक्ष युनिक बिफा घिसिङ्गले शुभकामना मन्तब्य राखेका थिए भने फोनिज रामेछापको कार्यपत्र फोनिजका पुर्व अध्यक्ष सुमित श्रेष्ठले प्रस्तुत गरेका थियो ।
